Hramadstva1616

Čamu Kitaj nie zaprasiŭ Łukašenku na treci forum «Pojas i šlach»

Alaksandr Łukašenka prysutničaŭ na pieršym i druhim anałahičnych forumach. Jaho niezaprašeńnie ciapier moža aznačać palityčny sihnał.

Udzielniki treciaha forumu «Pojas i šlach», Piekin, 18 kastryčnika 2023 hoda. Napieradzie idzie kiraŭnik Kitaja Si Czińpin, źleva ad jaho — prezident Indaniezii Džoka Vidoda, sprava — prezidenty Uźbiekistana i Kazachstana. Fota: AP Photo / Louise Delmotte

Forum «Pojas i šlach» za mižnarodnaje supracoŭnictva» — heta statusnaja padzieja, bo «Adzin pojas, adzin šlach» — hałoŭnaja mižnarodnaja inicyjatyva Si Czińpina.

Pieršy taki forum adbyŭsia ŭ 2017 hodzie, druhi — u 2019-m. U pieršym udzielničali 29, a ŭ druhim — 37 kiraŭnikoŭ dziaržaŭ. Paśla kavidnaj paŭzy treci forum sabraŭsia ŭ Piekinie 17—18 kastryčnika 2023 hoda.

Inviestujučy ŭ raźvićcio transpartnaj infrastruktury, Kitaj imkniecca stvaryć zručnyja dla siabie łancužki mižnarodnaha handlu i pryviazać da siabie ekanamična jak sumiežnyja, tak i addalenyja krainy.

Mienavita tamu ZŠA, Brytanija, Japonija, Paŭdniovaja Kareja, Kanada, Francyja, Niamieččyna i Aŭstralija ad pačatku hladzieli na inicyjatyvu strymana, kali nie z padazreńniem. Užo na pieršych forumach jany byli reprezientavanyja na ŭzroŭni ministraŭ, daradcaŭ ci deputataŭ parłamientaŭ. Alaksandr Łukašenka, naadvarot, hanaryŭsia svaim udziełam u pieršym i druhim forumach «Pojasa i šlachu».

U 2017 i 2019-m nie ŭsie jeŭrapiejskija krainy ihnaravali padzieju ŭ Piekinie. Tak, na pieršym forumie prysutničali kiraŭniki Polščy, Ispanii, Italii, Hrecyi, Turcyi, Čechii, Vienhryi, Sierbii, Šviejcaryi. Na druhim byli kiraŭniki Italii, Partuhalii, Aŭstryi, Hrecyi, Kipra, Šviejcaryi, Vienhryi, Čechii, Sierbii.

A voś na sioletni forum ź jeŭrapiejcaŭ prybyli tolki vienhr Orban i sierb Vučyč, jakija zajmajuć zhodnickuju pazicyju adnosna Rasii i Kitaja. Adnosiny krain Zachadu z Kitajem za apošnija hady istotna pahoršali, asabliva paśla taho jak Piekin nie admiežavaŭsia ad Maskvy paśla napadu Rasii na Ukrainu, choć i nie staŭ pastaŭlać Rasii ŭzbrajeńni, jakich Maskvie nie chapaje.

I na pieršy, i na druhi forum pryjazdžali prezidenty šmatlikich krain byłoha SSSR. Prysutnyja jany i sioleta: Rasija, Kazachstan, Uźbiekistan, Turkmienistan (apošni — u asobie Bierdymuchamiedava-baćki).

Tamu adsutnaść Łukašenki na sioletnim forumie kidajecca ŭ vočy.

Nie zaprasili ŭ Padniabiesnuju prezidentaŭ nievialikich i niebahatych Kyrhyzstana i Tadžykistana, nie pryjechali i kiraŭniki Hruzii i Azierbajdžana. U toj ža čas kitajskaje ahienctva «Sińchua» paviedamlaje pra ŭdzieł lidaraŭ Łaosa, Manholii, Vjetnama, Kambodžy, Kienii, Niepała, Šry-Łanki, Jehipta, Tajłanda, Indaniezii i bahataj na syravinu Papua — Novaj Hviniei. Navat pradstaŭnik «Talibana» jość. U toj ža čas nie pryjechała ŭ Piekin kiraŭnictva Mjanmy — raniej u forumach udzielničała Aŭnh San Su Čžy, adchilenaja ad ułady ŭ vyniku dziaržaŭnaha pieravarotu.

Alaksandr Łukašenka hanarycca svaimi asablivymi adnosinami z Kitajem, jaki jon bačyŭ supraćvahaj nie tolki Zachadu, ale ekanamična — i Rasii. U Biełarusi vyrasła niekalki vytvorčaściaŭ, pabudavanych na kitajskija kredyty, i źjaviŭsia technapark «Vialiki kamień». Kitaj pryznaje Alaksandra Łukašenku, na pačatku hoda jaho ŭ Piekinie sustrakaŭ Si Czińpin. 

«Heta vielmi, vielmi dziŭna, što Łukašenku ciapier nie zaprasili», — skazaŭ «Našaj Nivie» minski čynoŭnik.

Pakul dva dziasiatki prezidentaŭ i premjeraŭ padymali kielichi na bankiecie ŭ Piekinie, Łukašenka prymaŭ u Minsku pasła Vieniesueły. Prezidenta hetaj krainy ŭ Piekinie taksama nie było — u adroźnieńnie ad demakratyčna abranych kiraŭnikoŭ Arhienciny i Čyli.

Čamu čałavieka, jaki hadami pradaje ideju ab zamienie zachodnich suviaziaŭ i rynkaŭ na kitajskija, hetym razam u Piekinie bačyć nie zachacieli? 

«Mahčyma, heta znak, što paśla padziej apošnich hadoŭ, u śviatle napružanych adnosin Biełarusi z zachodnimi susiedziami i pahrozy poŭnaha zakryćcia biełaruska-polskaj miažy Biełaruś pierastała być klučavym uvachodam u ES u ramkach kancepcyi «Adzin pojas, adzin šlach», — vykazaŭ «Našaj Nivie» mierkavańnie były biełaruski dypłamat, jaki paprasiŭ, kab jaho imia nie nazyvali. 

«Adsutničajuć taksama pośpiechi z «Vialikim kamieniem» — novyja kampanii ź ES nie prychodziać, staryja ŭ svajoj bolšaści syšli», — zaznačyŭ jon.

«Značeńnie tych ci inšych krokaŭ kitajskaj dypłamatyi zrazumieć nie zaŭsiody prosta. Ale heta adnaznačna pakazčyk, što havaryć z Alaksandram Łukašenkam u farmacie ekanamičnaha forumu «Adzin pojas, adzin šlach» niama pra što. Kitaj choča biesprablemnaha tranzitu tavaraŭ u Jeŭrasajuz i ź Jeŭrasajuza. Polšča, Litva i Łatvija znajšli achilesavu piatu Alaksandra Łukašenki, kali papiaredzili, što ŭ vypadku paŭtareńnia ataki mihrantami ci inšych hibrydnych pahroz prosta zakryjuć miažu», — źviartaje ŭvahu inšy biełaruski dypłamat, jaki taksama paprasiŭ, kab jaho imia nie nazyvali. 

Čytajcie taksama:

U Minsku dabudavali vializnaje novaje pasolstva Kitaja. Pryčym heta ceły kompleks budynkaŭ

Dvajnik ci nie? Pajezdka Pucina ŭ Piekin znoŭ naradziła sprečki. Hladzim FOTY

Pierad vystupam Pucina ŭ Piekinie niekalki čałaviek vyjšli z zały

Kamientary16

  • mikola
    18.10.2023
    Ne zaprasili ? prosta - Zabyli !
  • kto Vy
    18.10.2023
    I tam Orban... M-Da !
  • Inžienier-stroitiel
    18.10.2023
    Eto kak žie kałchoźniku nužno było dorukovoditsia i tak umudriťsia pros*ať odin iz nieosporimych plusov i takoj potienciał samoho korotkoho eksportnoho koridora v ES, čto dažie Kitaj užie načał iźbiehať taktičnosti «kriepkich choziajstvieńnikov», pierienapravlaja svoi eksportnyje postavki na druhije maršruty, puskaj i boleje dlinnyje, no zato v boleje priedskazujemych jurisdikcijach. Tak žie śledujet otmietiť i tot fakt, čto Kitaj vkładyvajet ohromnyje sriedstv na stroitielstvo infrastrukturnych objektov i doroh. Možno było jeŝie i na etom połučiť finansirovanije ot Kitaja na riemont i stroitielstvo doroh, raźviazok i łohističieskich cientrov. Rańšie chotia by ES finansirovał takoho roda projekty, no pośle 2020 vsie finansirovanije priostanovleno, a pośle 2022, kohda Łukašienko poddieržał Putina i rośsijskoje vtoržienije v Ukrainu, pośle etoho jeŝie i Kitaj zamoroził i priekratił vsie svoi projekty v RB. Takim tiempam, čieriez paru let vsie osnovnyje dorohi budut raźbitymi, t.k. dienieh v biudžietie chvatajet liš na jamočnyj riemont i łatanije dyr. Vot tak dorukovodiłsia, vział stranu v 94, v takom žie sostojanii jejo i ostavit. Chotia vsie zapadnyje sosiedi za eto vriemia užie daleko ušli vpieried.

Ciapier čytajuć

Za palityku asudzili šmatdzietnaha baćku-viernika. Jaho žonka pamierła dva hady tamu

Za palityku asudzili šmatdzietnaha baćku-viernika. Jaho žonka pamierła dva hady tamu

Usie naviny →
Usie naviny

U vyniku ŭdaraŭ Izraila pa Iranie likvidavanyja dzieviać viadučych fizikaŭ-jadzierščykaŭ4

Zialenski: Łukašenka baicca i pieraniasie vučeńni dalej ad miažy z Ukrainaj16

Inicyjatyva Maldzis viartaje staradruk Simiaona Połackaha11

Maradona padčas svajho vizitu ŭ Biełaruś nie zachacieŭ sustrakacca z Rumasam1

Łukašenka prakamientavaŭ źbićcio sabaki ŭ Hrodnie i raskazaŭ pra svajo trapiatkoje staŭleńnie da žyvioł10

Drony USU ŭdaryli pa dvuch rasijskich abjektach VPK

Uładalnica biełaruskaha brendu žanočaha adzieńnia Moshe ździviłasia šalonym cenam kankurentaŭ11

Izrail nanosić novy ŭdar pa Iranie3

«Prapanavaŭ hrošy». Biełaruska raspaviała, jak KDB sprabavaŭ jaje vierbavać1

bolš čytanych navin
bolš łajkanych navin

Za palityku asudzili šmatdzietnaha baćku-viernika. Jaho žonka pamierła dva hady tamu

Za palityku asudzili šmatdzietnaha baćku-viernika. Jaho žonka pamierła dva hady tamu

Hałoŭnaje
Usie naviny →

Zaŭvaha:

 

 

 

 

Zakryć Paviedamić