Siarod tych, chto vyjšaŭ z zały, byŭ kansiervatyŭny palityk i były premjer-ministr Francyi Žan-Pjer Rafaren.
Niekalki jeŭrapiejskich delehataŭ, jakija pryjechali na kitajski forum «Adzin pojas, adzin šlach», vyjšli z zały pierad pačatkam vystupu Uładzimira Pucina, piša «Ahienctva» sa spasyłkaj Reuters.
Siarod tych, chto vyjšaŭ z zały, byŭ kansiervatyŭny palityk i były premjer-ministr Francyi Žan-Pjer Rafaren. Jon uznačalvaŭ francuzski ŭrad u 2002—2005 hadach.
Padčas svajho vystupu na adkryćci forumu Pucin padziakavaŭ «darahomu siabru» Si Czińpinu za zaprašeńnie, pachvaliŭ jahonuju inicyjatyvu «Adzin pojas, adzin šlach» i skazaŭ, što Paŭnočny marski šlach adkryty dla biznesu.
Pakul zachodnija vydańni źviartajuć uvahu na vychad niekalkich ludziej padčas vystupu Pucina, prakramloŭskija krynicy pišuć pra toje, jak sustrakajuć rasijskuju delehacyju ŭ Piekinie. Naprykład, telehram-kanał «Vy słuchali Majak» napisaŭ, što rasijskuju delehacyju pasadzili ŭ centry zały, a «ŭsie sustreli vystup Uładzimira Pucina apładysmientami». Kanał kramloŭskaha puła RIA «Novosti» adznačyŭ, što Pucin na fatahrafavańnie išoŭ pobač ź Si Czińpinam.
Pucin prybyŭ u Kitaj napiaredadni. Hety vizit staŭ dla rasijskaha prezidenta druhoj zamiežnaj pajezdkaj z momantu vydačy 17 sakavika 2023 hoda Mižnarodnym kryminalnym sudom u Haazie ordara na jaho aryšt. Da vizitu ŭ Piekin Pucin naviedaŭ na minułym tydni Kyrhyzstan.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ25
Kamientary
Achach, doihrałsia died. Po rožie vidno čto očień napriažien)))