«Tamu što Pucin nie durań». Chadarkoŭski patłumačyŭ, čamu ŭ Rasii niama «svajoj Cichanoŭskaj»
Rasijski apazicyjny palityk i biznesoviec Michaił Chadarkoŭski ŭ intervju «Nastojaŝiemu vriemieni» vykazaŭ mierkavańnie, čamu ŭ rasijskaj apazicyi niama palityka nakštałt Śviatłany Cichanoŭskaj, jaki moh by razmaŭlać ad imia demakratyčnych sił.
— Čamu ŭ rasijskaj apazicyi niama svajoj Śviatłany Cichanoŭskaj, albo niekaha takoha ŭ mužčynskim rodzie?
— Tamu što Pucin nie durań. Tamu što Łukašenka dapuściŭ surjoznuju palityčnuju pamyłku. Jon daŭ mahčymaść biełaruskamu hramadstvu stvaryć voś hetuju voś lehitymnuju fihuru, u jakoj, realna kažučy, była bolšaść na ahulnanacyjanalnych vybarach.
U Rasii Pucin, naturalna, takoj mahčymaści nikomu nie daje. I pakolki jon takoj mahčymaści nikomu nie daje, to fihury, anałahičnaj Cichanoŭskaj, to-bok toj, u kaho jość lehitymnaja padtrymka hramadstva na vybarach, uźniknuć prosta nie moža, tamu što pravieści takija vybary, naprykład, u internecie — heta ŭsio ž taki hulnia.
— Plus u Cichanoŭskaj usio ž taki dypłamatyčny status u adnoj z krain ES, a heta maje vahu.
— Ja b skazaŭ, usio astatniaje da hetaha prykładajecca.
— Nu, prosta prychodzić Śviatłana Cichanoŭskaja ŭ Jeŭraparłamient, niejkija struktury, i kaža: «Dobry dzień, ja Śviatłana Cichanoŭskaja», — zrazumieła, chto heta, maje dypłamatyčny status, prajšli ahulnanacyjanalnyja vybary. Ad rasijskaj apazicyi pryjdzie chto? I jamu skažuć: «A vy chto? Vy tam pamiž saboj damovicca nie možacie!»
— Pra Cichanoŭskuju vy pravilna skazali: jana pryjšła i pradstaŭlaje dziesiacimiljonny narod, nu ci va ŭsialakim razie demakratyčnuju častku hetaha dziesiacimiljonnaha naroda. U nas narod stasarakamiljonny, i niama takoha čałavieka, jaki pradstaŭlaje navat tryccać miljonaŭ hetaha stasarakamiljonnaha naroda. Ale jość dziesiać čałaviek, dziesiać arhanizacyj, jakija ŭ sumie hetyja 30 miljonaŭ, viadoma, pradstaŭlajuć.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii25
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary