«Jany mahli b paŭstać, zmahacca suprać režymu». Prezident Izraila zajaviŭ ab adkaznaści paleścincaŭ u siektary Haza
Prezident Izraila Icchak Hiercah zajaviŭ, što paleścincy ŭ siektary Haza pavinny byli zmahacca suprać CHAMAS. Ab hetym jon skazaŭ na pres-kanfierencyi 12 kastryčnika, piša «Mieduza».
«Heta rytoryka, što hramadzianskija asoby nie ŭciahnutyja, niasłušnaja. Heta absalutnaja niapraŭda. Jany mahli b paŭstać, jany mahli b zmahacca suprać hetaha złaviesnaha režymu, jaki zachapiŭ Hazu ŭ vyniku dziaržaŭnaha pieravarotu», — skazaŭ Hiercah.
Jak piša The Times of Israel, adkazvajučy na pytańnie karespandentki CNN ab «kalektyŭnym pakarańni» dla mirnych žycharoŭ u siektary Haza za dziejańni CHAMAS, Hiercah adprečyŭ abvinavačvańni ŭ «vajennych złačynstvach» i pavysiŭ hołas.
«Chiba vy nie bačyli [raźniu na poŭdni Izraila]? Vy ŭsio heta bačyli. Takim čynam, zaraz my pačynajem z rytoryki ab vajennych złačynstvach. Sapraŭdy? Praŭda?» — skazaŭ prezident Izraila. Jon dadaŭ, što Izrail «vykonvaje mižnarodnaje prava, dziejničaje ŭ adpaviednaści ź mižnarodnym pravam».
Paśla hetaha žurnalist Channel 4 skazaŭ, što «źbity z pantałyku» adkazami Hiercaha, bo «jon, vidać, uskładaje adkaznaść za CHAMAS na žycharoŭ Hazy».
«Pry ŭsioj pavazie, kali ŭ vas na vašaj čortavaj kuchni jość rakieta i vy žadajecie strelić joju ŭ mianie, ci mahu ja abaraniacca? Takaja situacyja», — adkazaŭ na heta prezident Izraila.
Ranicaj 7 kastryčnika CHAMAS napaŭ na Izrail. U adkaz Izrail pačaŭ nanosić masiravanyja ŭdary pa siektary Haza.
13 kastryčnika Armija abarony Izraila zaklikała žycharoŭ Hazy evakuiravacca na poŭdzień siektara, papiaredziŭšy, što CACHAŁ maje namier praciahnuć apieracyju ŭ Hazie.
U AAN hety zaklik raskrytykavali, zajaviŭšy, što pieramiaščeńnie 1,1 miljona žycharoŭ niemahčymaje biez razburalnych humanitarnych nastupstvaŭ.
U svaju čarhu kiraŭnictva CHAMAS zajaviła, što žychary Hazy pavinny ihnaravać zaklik Armii abarony Izraila evakuiravacca z horada.
Pradstaŭnik izrailskaha vojska adkazaŭ, što bajeviki vykarystoŭvajuć mirnych žycharoŭ i padviarhajuć ich niebiaśpiecy. The Times of Israel sa spasyłkaj na žychara Hazy adznačała, što CHAMAS prosta pieraškadžaje evakuacyi mirnych žycharoŭ.
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary