Školnikaŭ buduć vučyć, što nacyjanalnyja simvały biełarusaŭ — nacysckija, a pratesty 2020 hoda — mietady kałabarantaŭ. Vyjšli takija padručniki
Nacyjanalny instytut adukacyi apublikavaŭ navučalnyja dapamožniki pa hienacydzie biełaruskaha naroda ŭ hady Vialikaj Ajčynnaj vajny, pa jakich buduć vučycca biełaruskija školniki z 1 pa 11 kłas. Analiz padručnikaŭ pakazvaje, što ŭ ich utrymlivajecca adkrytaja palityčnaja prapahanda, piša telehram-kanał «MotolkoPomohi».
Da prykładu, u padručniku dla 1-4 kłasaŭ havorycca, što kałabaranty vykarystoŭvali bieł-čyrvona-bieły ściah i hierb «Pahonia», a taksama zajaŭlajecca, što «nośbity hetaj simvoliki aktyŭna ŭdzielničali ŭ pakarańniach vajennapałonnych i mirnaha nasielnictva, rabavańniach na karyść nacysckaj Hiermanii».
U padručniku dla 5-9 kłasaŭ pra kałabarantaŭ raspaviadajuć užo na niekalkich staronkach, taksama robiać akcent na simvolicy i źviazvajuć heta z pratestami 2020 hoda.
«Destruktyŭnyja siły pasprabavali ažyćciavić dziaržaŭny pieravarot vykarystoŭvajučy nacysckuju simvoliku i mietady baraćby kałabaracyjanistaŭ», — havorycca ŭ padručniku dla školnikaŭ.
Tam ža apublikavanaje fota z adnaho z pratesnych maršaŭ leta 2020 hoda. Kala vyjavy raźmieščany tekst: «U 2020 hodzie Biełaruś znoŭ sutyknułasia z prajavami ekstremizmu i teraryzmu pad nacysckaj simvolikaj».
Bolš za toje, aŭtary padručnika pra kałabaracyjanizm nie zabylisia raspavieści dzieciam i pra toje, što «9 žniŭnia 2020 hoda ŭ Biełarusi prajšli prezidenckija vybary, na jakich bolš za 80% hramadzian addali svaje hałasy za kandydaturu dziejnaha Kiraŭnika dziaržavy — A. H. Łukašenku».
Toje ž samaje havorycca i ŭ padručniku dla 10-11 kłasaŭ, piša kanał.
Navučalnyja dapamožniki «Hienacyd biełaruskaha naroda ŭ hady Vialikaj Ajčynnaj vajny» padrychtavany Ministerstvam adukacyi pa inicyjatyvie Hienieralnaj prakuratury.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary
Takaja sraka nazaŭždy zastaniecca, jak pomnik łukašyzmu