U Estonii treniera zvolnili za vinšavańnie Pucina z dniom narodzinaŭ
Nieadnarazovy čempijon krainy pa futzale kłub «Smsracha» ź Vijmsi spyniŭ supracoŭnictva z hałoŭnym trenieram kamandy sierbam Uładzimiram Jovanavičam, jaki pavinšavaŭ kiraŭnika Rasii z dniom narodzinaŭ, piša err.ee.
«My spynili supracoŭnictva z pryčyny niekarektnych pavodzin treniera ŭ sacyjalnych sietkach», — skazaŭ u intervju ERR kiraŭnik kłuba ź Vijmsi Andrej Hałavin.
Pavodle jaho słoŭ, fatalnym dla treniera stała zroblenaje im u adras prezidenta Rasii Uładzimira Pucina vinšavańnie z dniom narodzinaŭ.
«My nie možam sabie dazvolić, kab u hety momant, kali praciahvajecca vajna, hałoŭny trenier kamandy tak siabie pavodziŭ. Rašeńnie ab spynieńni supracoŭnictva Jovanavič pryniaŭ z razumieńniem. Pavodle jaho, dopis u fejsbuku nie mieŭ nijakaj palityčnaj padaploki. My viedajem, što sierby staviacca da našaha ŭschodniaha susieda bolš miralubna, a trenier, vinšujučy Pucina, nie dumaŭ, što heta vykliča takuju reakcyju», — dadaŭ Andrej Hałavin.
«Ja ščyra, ad usiaho serca, škaduju ab tym, što zdaryłasia. Na horkim dośviedzie ja atrymaŭ karysny ŭrok. Ale majo mierkavańnie — heta majo mierkavańnie. U kožnaha na hetaj płaniecie jość prava na svajo mierkavańnie», — dadaŭ Jovanavič.
Kamientary