Aŭčarku Bajdena vysielili ź Biełaha doma. Jana adzinaccać razoŭ ukusiła ahientaŭ Sakretnaj słužby
Naohuł 46-mu prezidentu ZŠA nie šancuje na sabak. Papiaredni sabaka taksama kusaŭ ahientaŭ.
Niamieckuju aŭčarku Džo Bajdena pa mianušcy Kamander vysielili z terytoryi Biełaha doma z-za jaje ahresiŭnych pavodzin i šmatlikich vypadkaŭ napadaŭ na ludziej, paviedamlaje tvrain.tv.
«Prezident i pieršaja łedzi hłyboka kłapociacca pra biaśpieku tych, chto pracuje ŭ Biełym domie, i tych, chto abaraniaje ich kožny dzień. Jany pa-raniejšamu ŭdziačnyja za ciarpieńnie i padtrymku Sakretnaj słužbie ZŠA i ŭsim zacikaŭlenym asobam, jakija praciahvajuć pracavać nad raźviazańniem prablemy», — patłumačyła dyrektar pa kamunikacyjach pieršaj łedzi ZŠA Džył Bajden Elizabet Aleksander.
U minułym miesiacy Kamander pakusaŭ ahienta Sakretnaj słužby na terytoryi Biełaha doma. Pry hetym Aleksander udakładniła, što sabaka «prosta hulaŭ» i ŭkus nie pakinuŭ śladoŭ.
Heta ŭžo adzinaccaty vypadak napadu sabaki na supracoŭnikaŭ Biełaha doma i Sakretnaj słužby — jon kusaŭ ludziej z kastryčnika 2022 hoda. CNN taksama paviedamlaje, što byli i inšyja vypadki ŭkusaŭ, pra jakija publična nie paviedamlałasia.
Va ŭnutranaj pierapiscy Sakretnaj słužby, pra jakuju pisała hazieta New York Post, havaryłasia, što 3 listapada 2022 hoda adnaho z supracoŭnikaŭ špitalizavali z ukusami ŭ ściahno i ruku paśla napadu aŭčarki.
Papiaredni sabaka Bajdenaŭ, Mejdžer, taksama byŭ ahresiŭny. Jaho vysielili ź Biełaha doma i adpravili da siabroŭ siamji.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha37
Kamientary
A vobŝie to "ukus nie ostavił śledov" eto nieleposť.
Začiem tohda nazyvať eto ukusom?
Sobaka zubami možiet schvatiť, potianuť, možiet uŝipnuť - ruk to niet.
A ukus eto minimum čietyrie dyrki.
sobaka eto miełoči, pochožie Bajdiena ukusił Tramp!