Chaakin Fieniks zaśviaciŭsia na zdymkach filma «Džokier: varjactva na dvaich»
Heta budzie praciah našumiełaha filma 2019 hoda pra kłoŭna z samym złaviesnym śmiecham u śviecie.
Novy kadr ź filma «Džokier: varjactva na dvaich» źjaviŭsia ŭ siecivie. Na fota Chaakin Fieniks biez kłoŭnskaha hrymu staić pad daždžom pamiž ludźmi z roznakalarovymi parasonami. Pa adnoj z fanackich viersij, heta frahmient muzyčnaha numara, jakich budzie niamała ŭ sikviele našumiełaha «Džokiera» 2019 hoda, piša Tochka.by.
Užo viadoma, što režysioram znoŭ budzieTod Filips, a hałoŭnaj zorkaj stanie piersanaž Artur Flek, jakoha i syhraje Chaakin Fieniks. Nie mienš, a moža, i bolš uvahi fanataŭ pryciahvaje i rola Charli Kvin, bo jaje ŭvasobić na ekranie śpiavačka i aktrysa Łedzi Haha.
Rola Džokiera pryniesła Chaakinu Fieniksu pieršy ŭ jaho žyćci «Oskar». Pa vynikach 2019 hoda za statuetku «Najlepšaja mužčynskaja rola» akramia jaho zmahalisia Adam Drajvier («Šlubnaja historyja»), Leanarda Dy Kaprya («Adnojčy ŭ… Halivudzie»), Džonatan Prajs («Dva papy») i Antonia Banderas («Bol i słava»).
Varta taksama zaznačyć, što «Oskar» za Džokiera ŭ filmie «Ciomny rycar» u 2009 hodzie byŭ prysudžany Chitu Ledžeru (za najlepšuju mužčynskuju rolu druhoha płana).
Adnak atrymać Ledžer nie zmoh. U studzieni 2008 hoda hienijalny aŭstralijski akcior pamior u 28 hadoŭ. Upieršyniu ŭ historyi «Oskar» tady prysudzili paśmiarotna.
Sam film «Džokier» ź Fieniksam raźnieśli kinakrytyki, a voś hledačy acanili vartaści: jon sabraŭ u suśvietnym prakacie bolš za miljard dalaraŭ i zaniaŭ pa hetym pakazčyku siomy radok u śpisie samych kasavych stužak 2019 hoda.
Ciapier čytajuć
«Kajłas, ja idu». Što za biełaruska źnikła ŭ žudasnym sieli ŭ Niepale12
Kamientary
[usio tak, ale nie viedaju, ci varta było pra heta pisać u tekście pra Chaakina Fieniksa -- veb-red.]