Zima blizka. U Ministerstvie ŽKH raskazali, kali pačniecca aciaplalny siezon
Aciaplalny siezon moža pačacca ŭžo vielmi chutka, a mienavita 1 kastryčnika. Pra heta paviedamiŭ namieśnik načalnika ŭpraŭleńnia kamunalnaj haspadarki i enierhietyki Ministerstva ŽKH Alaksiej Fiłanovič, paviedamlaje Fiederacyja prafsajuzaŭ.
Babina leta praciahnie radavać biełarusaŭ tolki da zaŭtra. A pačynajučy z vychadnych dzionnaja tempieratura pavietra ŭ Biełarusi nie budzie pieravyšać +20°C.
Letaś aciaplalny siezon u Biełarusi pačaŭsia ŭ dvaccatyja dni vieraśnia. Jak raspavioŭ namieśnik načalnika ŭpraŭleńnia kamunalnaj haspadarki i enierhietyki Ministerstva žyllova-kamunalnaj haspadarki Alaksiej Fiłanovič, sioleta aryjencirovačnaja data ŭklučeńnia aciapleńnia — 1 kastryčnika.
Rašeńnie ab pačatku aciaplalnaha siezona prymajuć abłasnyja, rajonnyja i haradskija vykankamy. Pry padpisańni zaklučeńnia śpiecyjalisty ŭličvajuć danyja mieteasłužbaŭ ab siaredniasutačnaj tempieratury ŭ svaich rehijonach.
U Biełarusi vydzialajucca 3 hrupy spažyŭcoŭ ciapła:
- sacyjalnyja abjekty;
- žyły fond;
- administracyjnyja budynki.
Abjekty pieršaj katehoryi pačynajuć aciaplać, kali siaredniasutačnaja tempieratura pavietra na praciahu 5 sutak nie padymajecca vyšej za +10°C. Havorka idzie pra lačebna-prafiłaktyčnyja ŭstanovy, miedustanovy, abjekty sacyjalnaha zabieśpiačeńnia, muziei, dziaržaŭnyja archivy, biblijateki i haścinicy.
Žyłyja damy traplajuć u druhuju čarhu. Kab u kvaterach biełarusaŭ, a taksama ŭ internatach, adukacyjnych ustanovach (akramia dziciačych sadoŭ i škoł), teatrach i łaźniach paciapleła, siaredniasutačnaja tempieratura na praciahu piaci dzion zapar nie pavinna padymacca vyšej za +8 °C.
Apošnimi batarei stanoviacca ciopłymi ŭ hramadskich i administracyjnych budynkach, a taksama na pramysłovych abjektach. Čaściej za ŭsio na zapusk aciapleńnia sychodzić ad 3 da 5 dzion. Pry hetym spuskańnie pavietra ź sistem pa nieabchodnaści ažyćciaŭlajecca na praciahu 10 sutak.
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary