Siońnia ŭ Śvietłahorsku śmiardzić. Pradpryjemstva paviedamiła pra vykid hazaŭ
28 vieraśnia na Śvietłahorskim CKK adbyŭsia «karotkačasovy vykid smurodnych hazaŭ». Pra heta paviedamiła samo pradpryjemstva, patłumačyŭšy zdareńnie techničnymi pryčynami.
«Parušeńniaŭ hranična dapuščalnych normaŭ utrymańnia škodnych rečyvaŭ u pavietry nie zafiksavana. Pahroz nasielenym punktam niama», — paviedamlaje pres-słužba pradpryjemstva.
Zhodna z paviedamleńniem, Śvietłahorski CKK pracuje ŭ štatnym režymie.
Pra ŭčarašni dzień u paviedamleńni ničoha nie havorycca. Miž tym jašče ŭčora pra smurod u horadzie paviedamlała «Homielskaja viasna».
«Niekalki hadzin zapar niemahčyma dychać amal va ŭsich rajonach horada», — pisaŭ kanał.
Śvietłahorski celułozna-kardonny kambinat miesiac tamu adnaviŭ vytvorčaść sulfatnaj bielenaj celułozy, vypusk jakoj byŭ prypynieny paśla vybuchu 7 červienia. U toj dzień u cechu vyparki škipinaru ŭ čas praviadzieńnia prafiłaktyčnych i ramontnych rabot adbyŭsia vybuch. Try čałavieki zahinuli, dva atrymali cialesnyja paškodžańni. Śledčy kamitet raspačaŭ kryminalnuju spravu pavodle artykuła ab parušeńni praviłaŭ biaśpieki.
Śvietłahorski telekanał «Ranak», jaki pieršym paviedamiŭ pra zdareńnie, byŭ razhromleny ŭładami: supracoŭniki byli zatrymanyja, a kanał z sacsietkami pryznali ekstremisckim farmavańniem.
-
U minskim parku Čaviesa dva dni budzie pracavać zipłajn — reč sa spuskam na šalonaj chutkaści
-
Łukašenka zahadaŭ, kab byłych siłavikoŭ, ratavalnikaŭ i dypłamataŭ, zvolnienych «pa dyskredytujučych», adsočvali piać hadoŭ
-
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram2
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary