U Homieli asudzili tancorku i pradprymalnicu Viktoryju Haŭrylinu
U Homielskim abłasnym sudzie 18 vieraśnia vyniesieny prysud pa kryminalnaj spravie palitźniavolenaj pradprymalnicy i maci dvaich dziaciej Viktoryi Haŭrylinaj. Jaje abvinavacili ŭ finansavańni ekstremisckaj dziejnaści za danaty i ŭ niezakonnych dziejańniach u dačynieńni da piersanalnych źviestak. Abvinavačańnie ŭ niezakonnym zbory i raspaŭsiudzie infarmacyi ab pryvatnym žyćci było źniata, piša «Viasna».
Sudovy praces prachodziŭ u zakrytym režymie, sudździoj vystupaŭ Anatol Sotnikaŭ.
Viktoryja Haŭrylina — pradprymalnica, tancorka i maci dvaich dziaciej. Žančyna była zatrymanaja razam z mužam Dźmitryjem 27 studzienia 2023 hoda i da suda źmieščanaja ŭ SIZA №3 Homiela.
Na telekanale ANT pakazvali videa ź Viktoryjaj. U siužecie jaje abvinavačvajuć u nibyta niavypłacie padatkaŭ, padpiskach na «ekstremisckija» kanały, źlivie danych siłavikoŭ, udziele ŭ płanie «Pieramoha», finansavańni ekstremisckaj dziejnaści.
Razam ź Viktoryjaj byŭ zatrymany jaje muž Dźmitryj Haŭrylin, jaki adbyŭ 30 sutak administracyjnaha aryštu i byŭ adpuščany na volu.
Dźmitryj — dyrektar Homielskaha matoraramontnaha zavoda, vakalist etna-hurta «Ban-Žvirba». Muž i žonka taksama viadomyja tancory.
Sud pryznačyŭ Viktoryi pakarańnie ŭ vyhladzie pazbaŭleńnia voli na termin try hady i try miesiacy z adbyvańniem u papraŭčaj kałonii va ŭmovach ahulnaha režymu sa štrafam u pamiery 100 bazavych vieličyń.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary