Bahatyja taksama płačuć. Rasijski aliharch raspavioŭ, jak prajšoŭ vobšuk u jaho asabniaku ŭ Łondanie. «Ja adčuvaŭ siabie prynižanym»
Michaił Frydman praz amal hod upieršyniu raspavioŭ The Times, jak u Łondanie abšukali jaho asabniak. Vobšuk adbyŭsia pa padazreńni ŭ admyvańni hrošaj, zmovie z metaj padmanu Ministerstva ŭnutranych spraŭ Vialikabrytanii i zmovie z metaj dačy łžyvych pakazańniaŭ. Palicejskija ŭvarvalisia ŭ łondanski dom Frydmana koštam 65 miljonaŭ funtaŭ sterlinhaŭ. «Mieduza» zrabiła karotki pierakaz intervju, apublikavanaha 15 vieraśnia.
Ranicaj 1 śniežnia 2022 hoda mianie patryvožyli kryki, vyćcio siren i dziasiatki ŭzbrojenych palicejskich u maskach, jakija rvalisia ŭ moj dom. Ahienty NCA [Nacyjanalnaha ahienctva pa baraćbie sa złačynnaściu Vialikabrytanii] vybrali biessensoŭnuju taktyku. Kali na mianie nadzieli kajdanki i začytali tekst ordara, ja nie pavieryŭ vušam. Praz absalutna prostuju spravu palicyjanty praviali cełuju śpiecapieracyju, zabłakavaŭšy ŭvieś rajon. Paśla taho jak spravu zakryli, ja ŭsio jašče aścierahajusia, što chtości z palicyi abo NCA zachoča pastavić na miesca hetaha napyšlivaha rasijskaha aliharcha.
Padobna da taho, što być bahatym ruskim, biez vyklučeńniaŭ, ličycca złačynstvam. Ja nikoli nie parušaŭ zakona, ni ŭ adnoj krainie śvietu. Ci apraŭdanyja vydatki padatkapłacielščykaŭ Vialikabrytanii na šmatmiesiačnaje rasśledavańnie? Samaje niepryjemnaje, što ja adčuvaŭ siabie prynižanym i nieabaronienym u krainie, jakaja pa pravie hanarycca abaronaj pravoŭ i svabody svaich hramadzian. Ja doŭha žyŭ u Rasii, u krainie, jakaja pieražyła šmat ciažkich kryzisaŭ, tamu nikoli nie hublaŭ adčuvańnia ŭnutranaha napružańnia, byŭ hatovy, što situacyja moža rezka źmianicca. Adnoj ź pieravah žyćcia ŭ Łondanie stała kamfortnaje adčuvańnie spakoju i stabilnaści. Na žal, ciapier heta adčuvańnie stračana.
Sud ES paćvierdziŭ sankcyi suprać Hucaryjeva, jaki trapiŭ u čorny śpis za padtrymku Łukašenki
Padčas vajny Pucin zakłapočany novaj jachtaj. U hetym jamu nasustrač iduć jeŭrapiejcy FOTY
Pamiatajecie rezanansny źliŭ hutarki rasijskaha miljardera i Iosifa Pryhožyna? Spracavała — ES źniaŭ ź miljardera sankcyi
Ciapier čytajuć
«Zasiarodžusia na pracy z ZŠA». Cichanoŭski raskazaŭ pra svaje palityčnyja płany na 2026 hod22
Kamientary