Pareštki «pryšelcaŭ», pakazanyja ŭ Mieksicy, akazalisia mistyfikacyjaj
Pareštki inšapłanietnych «pryšelcaŭ», jakija pakazali ŭ Mieksicy i jakija abmiarkoŭvalisia na dziaržaŭnym uzroŭni, akazalisia mistyfikacyjaj. Bolš za toje, staražytnyja kaścianyja astanki, mahčyma, niezakonna vyvieźli ź Pieru.
Ministr kultury Pieru Leśli Urteaha zajaviła, što navukoŭcy nie paćvierdzili inšapłanietnaje pachodžańnie pareštkaŭ ź pieruanskaj pustyni Naska, jakija raniej prademanstravali na słuchańniach Kanhresa Mieksiki pa NŁA.
«Nakolki ja viedaju, hetyja ŭzory adnosiacca da pachavańniaŭ kaścianych astankaŭ daispanskaha pieryjadu. Ja źbirajusia zapytać infarmacyju, kab zrazumieć, jak ich udałosia vyvieźci ź Pieru», — dadała ministarka.
Pavodle jaje słoŭ, Ministerstva kultury Pieru vystaviła abvinavačvańni suprać hramadzian, jakija majuć dačynieńnie da vyvazu pareštkaŭ z krainy.
Akramia taho, u Nacyjanalnym aŭtanomnym univiersitecie Mieksiki (UNAM) abvierhli zajavy, što jany paćviardžali sapraŭdnaść pareštkaŭ i ich inšapłanietnaje pachodžańnie.
Nahadajem, što niekalki dzion tamu mieksikanski ŭfołah i žurnalist Chajmie Maŭsan prynios na słuchańni Kanhresa Mieksiki dźvie draŭlanyja skryni z pareštkami, jakija, pa jaho zajavie, ujaŭlajuć saboj trupy inšapłaniecian. Maŭsan skazaŭ, što hetyja cieły byli vyjaŭlenyja ŭ Pieru ŭ 2017 hodzie i nie adnosiacca, maŭlaŭ, da ziamnoj evalucyi.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii26
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4242
Kamientary