Erlinh Chołan padzialiŭsia łajfchakam, jaki palepšyŭ jaho son. Dla hetaha patrebny vielmi prosty pradmiet
Narviežski forvard «Mančester Sici» padčas padkastu Impaulsive pryznaŭsia, što niadaŭna znajšoŭ dziejsny sposab palepšyć jakaść snu.
«Dumaju, što son — samaja važnaja reč u śviecie. Dla dobraha snu vielmi važnyja takija prostyja rečy, jak akulary ź sinimi linzami, adklučeńnie ŭsich krynic śviatła ŭ spalni», — cytuje Chołana Sports.ru.
«I pasprabujcie zalapić rot skotčam. Ja tak splu. Pierabirać z usialakimi rečami niadobra, ale kali rabić maleńkija kroki kožny dzień ciaham doŭhaha času, to heta sapraŭdy pryniasie svoj plon».
Pryčyna jaho dziŭnaj praktyki zaklučajecca ŭ tym, kab maksimalna pavialičyć dychańnie praz nos, a ŭździejańnie krynic siniaha śviatła moža paŭpłyvać na son.
Chołan daloka nie pieršy čałaviek, chto kaža pra zaklejvańnie rota skotčam jak pra sposab palepšyć jakaść snu. Da prykładu, 35-hadovaja top-madel Ešli Hrem, maci traich dziaciej i samaja seksualnaja žančyna śvietu pa viersii časopisa Maxim, taksama pryznavałasia, što pasprabavała hety sposab i joj spadabałasia: «pačała zaklejvać rot pierad snom i nikoli nie spała lepš, čym ciapier».
Ličycca, što dychańnie padčas snu praz nos naturalniejšaje, čym praz rot. Zaklejvańnie skotčam vusnaŭ nibyta moža taksama dapamahčy tym, chto chrapie. Adnak daktary rajać vyrašać takija prablemy invaziŭnym mietadam i z dapamohaj śpiecyjalistaŭ.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj2
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1414
Kamientary