Ministr infarmacyi paraŭnaŭ pieršakurśnikaŭ žurfaka z bajavymi štykami
Uładzimir Piarcoŭ pravioŭ siońnia sustreču ź pieršakurśnikami fakulteta žurnalistyki BDU.
«Kali vy vybrali prafiesiju žurnalista, to zrabili heta śviadoma. Vy razumiejecie, pra što hetaja prafiesija, što jana ŭ siabie ŭklučaje, razumiejecie stupień adkaznaści nie tolki pierad čytačom, hledačom, słuchačom, ale i stupień adkaznaści jak hramadzianina. Bo prafiesija žurnalista archivažnaja», — cytuje ministra BiełTA.
Jon upeŭnieny, što siońnia suprać aficyjnaha Minska raźviazana sapraŭdnaja infarmacyjnaja vajna.
«U hetych infarmacyjnych vojnach vy stanoviciesia nie prosta tvorčymi ludźmi, nie prosta žurnalistami, nie prosta miedyjamieniedžarami, a pa vialikim rachunku — sałdatami. Bo vy — našy budučyja i sapraŭdnyja bajavyja štyki, — adznačyŭ ministr. — Vy žurnalisty i miedyjamieniedžary całkam novaj epochi».
***
Nahadajem, što sioleta nie było naboru na płatnaje adździaleńnie žurfaka, a na fakultecie buduć vykładać prapahandysty Volha Špileŭskaja, Ihar Tur, Kaciaryna Krutalevič.
Za try hady, što prajšli paśla prezidenckich vybaraŭ, faktyčna zakryty amal usie niezaležnyja miedyja, za kratami znachodzicca 33 pradstaŭniki miedyja, pryčym niekatoryja asudžanyja na hihanckija terminy, naprykład, Ihar Łosik (15 hadoŭ), Andrej Alaksandraŭ (14 hadoŭ), Maryna Zołatava (12 hadoŭ), Ludmiła Čekina (12 hadoŭ).
Kamientary