U Vilni adkryłasia pieršaja ŭ Jeŭropie krama, dzie možna biaspłatna ŭziać pradukty
Płanujecca, što takaja krama kožny tydzień budzie prymać bolš za 1000 čałaviek.
31 žniŭnia ŭ Vilni adkryłasia pieršaja krama «Charčovaha banka» (Maisto bankas), u jakoj tyja, chto maje patrebu, zmohuć uziać nieabchodnyja im pradukty, jak u zvyčajnaj kramie, ale za ich nie daviadziecca płacić. Płanujecca, što takaja krama kožny tydzień budzie prymać bolš za 1000 čałaviek, piša Delfi.lt.
«Kožny čałaviek chacieŭ by sam vybrać pradukty, u jakich jon maje patrebu, jak u zvyčajnaj kramie, a nie atrymać pajok na składzie, adstajaŭšy ŭ čarzie. Bo i hetyja ludzi zasłuhoŭvajuć pavahi. ( … )
Pa pradukty prychodziać pracoŭnyja ludzi ź nievialikim dastatkam, invalidy, piensijaniery, adzinokija mamy. I hetaje koła pašyrajecca — ciapier u Vilni i Vilenskim rajonie, — adsiul buduć pryjazdžać u hetuju kramu tyja, chto maje patrebu. Naličvajecca amal 50 000 čałaviek, jakija atrymlivajuć dapamohu. Usie achvotnyja atrymać dapamohu, pavinny źviartacca ŭ starostva», — skazaŭ kiraŭnik «Charčovaha banka» Simonas Huravičus.
Jon adznačyŭ, što śpisy biednych ludziej buduć składać pa rekamiendacyjach municypalitetaŭ.
Kožny čałaviek zmoža atrymać nie bolš za 5 kh praduktaŭ: chleba, harodniny, sadaviny, miasa, małočnych praduktaŭ.
Sa słoŭ Huravičusa, krama, adkrytaja na praśpiekcie Kanstytucyi, — pieršaje takoje miesca nie tolki ŭ Litvie, ale i va ŭsioj Jeŭropie.
Paviedamlajecca, što ŭ kramie buduć pracavać vałanciory, jany buduć vieści ŭlik, sartavać, raskładvać pradukty na pryłaŭkach i palicach, sačyć, jakuju kolkaść jakich praduktaŭ u kankretny dzień možna budzie vydać adnamu «pakupniku», bo kožny dzień dla razdačy pryvoziać roznyja tavary.
Pavodle «Charčovaha banka», heta pieršaja takaja krama, sioleta takija kramy adkryjuć taksama ŭ Koŭnie i jašče piaci nievialičkich haradach.
Ciapier čytajuć
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU4
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary