«Šykoŭny miechanizm». U Bresckaj vobłaści kiraŭnikoŭ pradpryjemstvaŭ, dzie jość zapazyčanaść pa zarobkach, nie vypuskajuć za miažu
Taki navatarski mietad uviali ŭ Bresckaj vobłaści pa inicyjatyvie byłoha kiraŭnika KDB Valeryja Vakulčyka, śćviardžaje ŭ svaim kanale prapahandyst Ihar Tur.
«Šykoŭny miechanizm, kažuć, praktykujuć u Bresckaj vobłaści: dyrektaraŭ, jakija nie vypłačvajuć supracoŭnikam zarobku, nie vypuskajuć za miažu.
Prakuratura inicyjuje, časovaje abmiežavańnie na vyjezd vypisvaje sudździa — usio zhodna z zakonam. Likvidujecca zapazyčanaść — zabarona zdymajecca», — raspaviadaje Tur.
Pavodle jaho infarmacyi, u hetym hodzie ŭ rehijonie tak abmiežavali ŭ pieramiaščeńni 11 kiraŭnikoŭ i zasnavalnikaŭ kampanij.
«Jak dla mianie, prykład dla pierajmańnia pa ŭsioj krainie. Kab nie było spakusy ŭ kiraŭnikoŭ źbiehčy z krainy, pakinuŭšy ludziej biez hrošaj», — piša Tur.
Taksama jon namiakaje na toje, chto inicyjatar novaŭviadzieńnia.
«Dapoŭniu, što pamočnik prezidenta pa Bresckaj vobłaści — eks-kiraŭnik KDB Biełarusi hienierał Valeryj Vakulčyk», — daje znak Tur.
Prakuratura Bresckaj vobłaści ŭ pres-relizie paćvierdziła vykarystańnie hetaj praktyki.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary