Rokier u karunkach. Lavon Volski ździviŭ fanataŭ kreatyŭnym łukam

Były frontmien hurtoŭ N.R.M. i «Krambambula», a taksama lidar muzyčnaha prajekta «Emihranty» paradavaŭ prychilnikaŭ novym vobrazam — na fota Volski paŭstaŭ u šerym pinžaku z karunkavym azdableńniem. Raźbirajemsia, čamu hety łuk nasamreč kruty.

Karunki pa-biełarusku

Pieršapačatkova karunki źjavilisia ŭ Italii ŭ XV-XVI stahodździach, adkul raspaŭsiudzilisia pa ŭsioj Zachodniaj Jeŭropie. Na ziemlach sučasnaj Biełarusi ŭ toj čas jany vyrablalisia ŭ manastyrskich majsterniach z kaštoŭnych i redkich materyjałaŭ — zołata, srebra i šoŭku. Adnak užo praz stahodździe ramiastvo vyjšła za miežy manastyroŭ i pieratvaryłasia ŭ prybytkovy biznes.

Tak, talenavity finansist i aŭtar maštabnych ekanamičnych, ahrarnych i kulturnych reform, Antonij Tyzienhaŭz, u XVIII stahodździ zajmaŭsia «impartazamiaščeńniem» pradmietaŭ raskošy. U adnym z pradmieściaŭ Hrodna jon arhanizavaŭ pramysłovy «chab», jaki składaŭsia ažno z 30 manufaktur. Tam vyrablalisia šaŭkovyja pajasy, juvielirnyja vyraby, dyvany i taksama — karunki.

Pratatypam dla hetaj vytvorčaści słužyli madeli ź Niamieččyny i Francyi. Majstry Tyzienhaŭza vyrablali šyrokuju palitru ŭzoraŭ: na kakluškach jany plali romby, kvadraty, pałosy, zihzahi i navat malunki ptušak, žyvioł i ludziej. Praŭda, tonkaja praca rabiłasia «na voka» — biez dakładnych schiem i apisańniaŭ, što ŭ vyniku pryvodziła da stvareńnia bolš hrubaha ŭ paraŭnańni z zachodnimi anałaham praduktu. Padobnyja na takija karunki našytyja na pinžaku śpievaka — atrymlivajecca trend na etniku ŭ samaj čystaj jaho prajavie.

Pavialičyć

Siońnia šmat dyzajnieraŭ vykarystoŭvajuć etniku ŭ raspracoŭcy svaich kalekcyj. Nie vyklučeńniem staŭ i brend Zara: ich kreatyŭnaja kamanda natchniajecca kulturami Afryki i Ispanii.

Mužčyny taksama heta nosiać 

Paśla doŭhaha pierapynku ŭpryhožvańnie viarnułasia ŭ mužčynski harderob, praŭda, z absalutna novym padtekstam. Kali ŭ Siaredniavieččy ŭ mužčynskim harnitury karunki vykonvali dźvie prostyja zadačy: vizualna ablahčali tkaninu i tranślavali zamožnaść uładalnika, — to siońnia jany zaklikajuć da baraćby z maskulinnaściu i kulturaj mačyzmu.

Trend na «žanočyja elemienty» prapanuje «mocnamu połu» nie admaŭlacca ad pryhožych rečaŭ i pakazvaje, što mužnaść zaklučajecca nie ŭ zvykłym adnastajnym adzieńni, a ŭ samaadčuvańni i peŭnych ŭčynkach.

Pavialičyć

Adnym z pravadnikoŭ trenda na mužčynskija karunki źjaŭlajecca modny dom Dolce & Gabbana. Vidavočna, u chutkim časie za mastadontami modnaha rynku rušać i inšyja brendy.

Kastamajzinh

Aščadny padychod da harderoba — novaje praviła dobraha tonu. Tamu nie śpiašajciesia vykidać sastarełyja rečy, a pasprabujcie ich kastamizavać.

Termin «kastamajzinh» pachodzić z anhlijskaha customize — «naładzić, indyvidualizavać» — i abaznačaje praces źmianieńnia źniešniaha vyhladu rečy praź nievialikija pierarobki. Zaraz źjaŭlajucca navat asobnyja brendy, jakija pradajuć takoje pierašytaje adzieńnie. U zaležnaści ad jakaści i krutaści pracy, kastamizavanaja reč moža kaštavać u niekalki, a to i ŭ dziasiatki razoŭ daražej za aryhinał.

Bačna, što i pinžak Volskaha kastamizavany. Na šeruju asnovu našyli ŭpryhožvańni — i adzieńnie pieraŭtvaryłasia ŭ art-abjekt.

A ci padabajecca vam novy łuk śpievaka?

Čytajcie taksama:

«Chaciełasia b viarnucca da Vałožynščyny». Lavon Volski raskazaŭ pra svoj novy albom i žyćcio ŭ emihracyi

«Heta nie artyst pakaleńnia, jaho viedajuć tolki ŭ tusovačcy». U tvitary razharełasia «bitva za Volskaha»

«Admoviŭsia jechać na kancerty ŭ padtrymku Łukašenki». Muzyki raskazvajuć, za što ich unosili ŭ «čornyja śpisy»

«Rašeńnie było absalutna impulsiŭnym». Lavon Volski raskazaŭ, jak raźbiŭ na kancercie hitaru

• 18
• 0
• 1
• 4
• 2
• 1
• 5
• 0