U Francyi zabaranili ŭ škołach musulmanskija sukienki abaja, jakija zakryvajuć usio cieła
Pramaja zabarona nasić abaja była pryniataja dla taho, kab na nacyjanalnym uzroŭni isnavali zrazumiełyja praviły, na jakija moža aryjentavacca administracyja škoły.
U francuzskich dziaržaŭnych škołach zabaranili nasić tradycyjnuju musulmanskuju sukienku — abaja, jakaja zakryvaje ŭsio cieła. Pra heta paviedamlaje «Jeŭrapiejskaja praŭda».
Ministr adukacyi Habryel Atal abviaściŭ, što pramaja zabarona nasić abaja była pryniataja dla taho, kab na nacyjanalnym uzroŭni isnavali zrazumiełyja praviły, na jakija moža aryjentavacca administracyja škoły.
Ministr jašče paśla pryznačeńnia na hetuju pasadu ŭ lipieni namiaknuŭ, što taki krok rychtujecca, bo vykarystańnie takoj sukienki — prajava relihijnych pierakanańniaŭ, a Francyja pryncypovaja ŭ tym, kab škoła była śvieckaj.
«Kali vy ŭvachodzicie ŭ kłas, vam nie treba vyznačać relihijnyja pierakanańni navučencaŭ, kali vy hladzicie na ich», — adznačyŭ Atal.
U niedziaržaŭnaj asacyjacyi «Rada musulmanskaj viery ŭ Francyi» nastojvajuć, što abaja nie moža ličycca musulmanskim relihijnym simvałam.
Jašče ŭ minułym listapadzie ŭ Francyi pryniali narmatyŭny dakumient, dzie prapisali, što abaja, jak i doŭhija spadnicy, moža być zabaronienaja, kali ich nosiać «sposabam, jaki pavinien vidavočna pakazvać na relihijnyja pierakanańni». Adnak paśla hetaha administracyja škoł paprasiła ab padrabiaznych tłumačeńniach, kab paźbiehnuć kanfliktaŭ.
U cełym u Francyi jašče z 2004 hoda zabaroniena nasić u dziaržaŭnych navučalnych ustanovach adzieńnie abo simvały, jakija vidavočna pakazvajuć na relihijnuju prynaležnaść.
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert1
Kamientary
o
tieło