U Homieli pačynajecca sud nad tancorkaj i pradprymalnicaj Viktoryjaj Haŭrylinaj
Maci dvaich dziaciej abvinavačvajuć pa dvuch artykułach Kryminalnaha kodeksa.
U Homielskim abłasnym sudzie 25 žniŭnia pačynajecca razhlad kryminalnaj spravy palitźniavolenaj pradprymalnicy i maci dvaich dziaciej Viktoryi Haŭrylinaj. Jaje abvinavačvajuć u finansavańni ekstremisckaj dziejnaści za achviaravańni pavodle art. 361-2 KK, a taksama za niezakonny zbor i raspaŭsiud infarmacyi ab pryvatnym žyćci pavodle č. 1 art. 179 KK (vyklučana z kodeksa 26.05.2011) i niezakonnych dziejańniach u dačynieńni da piersanalnych źviestak pavodle art. 203-1 KK, piša «Viasna».
Sudovy praces budzie prachodzić u zakrytym režymie, sudździoj pryznačany Anatol Sotnikaŭ.
Viktoryja Haŭrylina — pradprymalnica, tancorka, maci dvaich dziaciej. Była zatrymanaja razam z mužam Dźmitryjem 27 studzienia 2023 hoda i da suda źmieščanaja ŭ SIZA №3 Homiela.
Na telekanale ANT pakazali videa ź Viktoryjaj. U siužecie jaje abvinavačvajuć u niavypłacie padatkaŭ, padpiskach na «ekstremisckija» kanały, źlivie danych siłavikoŭ, udziele ŭ płanie «Pieramoha», finansavańni ekstremisckaj dziejnaści.
Razam ź Viktoryjaj byŭ zatrymany jaje muž Dźmitryj Haŭrylin, jaki adbyŭ 30 sutak administracyjnaha aryštu i byŭ adpuščany na volu.
Dźmitryj — dyrektar Homielskaha matoraramontnaha zavoda, vakalist etna-hurta «Ban-Žvirba». Jany taksama viadomyja tancory.
Padtrymajcie Viktoryju listom albo paštoŭkaj: SIZA-3. 246003, h. Homiel, vuł. Knižnaja, 1A, Viktoryja Anatoljeŭna Haŭrylina.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza14
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary