У Гомелі пачынаецца суд над танцоркай і прадпрымальніцай Вікторыяй Гаўрылінай
Маці дваіх дзяцей абвінавачваюць па двух артыкулах Крымінальнага кодэкса.
У Гомельскім абласным судзе 25 жніўня пачынаецца разгляд крымінальнай справы палітзняволенай прадпрымальніцы і маці дваіх дзяцей Вікторыі Гаўрылінай. Яе абвінавачваюць у фінансаванні экстрэмісцкай дзейнасці за ахвяраванні паводле арт. 361-2 КК, а таксама за незаконны збор і распаўсюд інфармацыі аб прыватным жыцці паводле ч. 1 арт. 179 КК (выключана з кодэкса 26.05.2011) і незаконных дзеяннях у дачыненні да персанальных звестак паводле арт. 203-1 КК, піша «Вясна».
Судовы працэс будзе праходзіць у закрытым рэжыме, суддзёй прызначаны Анатоль Сотнікаў.
Вікторыя Гаўрыліна — прадпрымальніца, танцорка, маці дваіх дзяцей. Была затрыманая разам з мужам Дзмітрыем 27 студзеня 2023 года і да суда змешчаная ў СІЗА №3 Гомеля.
На тэлеканале АНТ паказалі відэа з Вікторыяй. У сюжэце яе абвінавачваюць у нявыплаце падаткаў, падпісках на «экстрэмісцкія» каналы, зліве даных сілавікоў, удзеле ў плане «Перамога», фінансаванні экстрэмісцкай дзейнасці.
Разам з Вікторыяй быў затрыманы яе муж Дзмітрый Гаўрылін, які адбыў 30 сутак адміністрацыйнага арышту і быў адпушчаны на волю.
Дзмітрый — дырэктар Гомельскага маторарамонтнага завода, вакаліст этна-гурта «Бан-Жвірба». Яны таксама вядомыя танцоры.
Падтрымайце Вікторыю лістом альбо паштоўкай: СІЗА-3. 246003, г. Гомель, вул. Кніжная, 1А, Вікторыя Анатольеўна Гаўрыліна.
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары