Staŭ viadomy prysud biznesoŭcu z Mazyra, adnamu z najbahaciejšych ludziej Homielščyny. Jaho asudzili za reposty ŭ fejsbuku
Homielski abłasny sud 21 žniŭnia ŭ zakrytym režymie vynies prysud viadomamu ŭ rehijonie biznesoŭcu. Za reposty ŭ fejsbuku 65-hadovy Piatro Staracitaraŭ atrymaŭ 5 hadoŭ pazbaŭleńnia voli.
Biznesoŭca, stvaralnika hrupy kampanij «Łotas» Piatra Staracitarava, supracoŭniki HUBAZiK zatrymali 6 lutaha 2023 hoda. Blizki da milicyi telehram-kanał vykłaŭ videa ź jaho ŭdziełam. Taja ž krynica paviedamiła, što zatrymany «abražaŭ prezidenta», «raspalvaŭ sacyjalnuju varožaść» i «adkaža pa strohaści zakona», piša Radyjo Svaboda.
Jak stała viadoma Svabodzie, nahodaj dla zatrymańnia Piatra Staracitarava stali reposty, jakija jon rabiŭ na svajoj staroncy ŭ fejsbuku, u hetym śledstva i sud ubačyli skład kryminalnych złačynstvaŭ.
Staracitarava sudzili adrazu pa niekalkich artykułach:
- raspalvańnie varožaści (častka 1 artykuła 130 KK RB),
- zakliki da sankcyj (č. 3 art. 361 KK RB),
- paklop u dačynieńni da Alaksandra Łukašenki (č. 1 art. 367 KK RB),
- abraza Alaksandra Łukašenki (č. 1 art. 368 KK RB),
- dyskredytacyja Respubliki Biełaruś (art. 369-1 KK RB).
Sudździa Homielskaha abłasnoha sudu Jaŭhien Šaršnioŭ pakaraŭ abvinavačanaha 5 hadami pazbaŭleńnia voli ŭ kałonii ahulnaha režymu.
U SIZA stan zdaroŭja Piatra Staracitarava značna pahoršyŭsia. Da zatrymańnia jon mieŭ chraničnyja zachvorvańni, u tym liku branchijalnuju astmu i arteryjalnuju hipiertenziju. U SIZA ŭ jaho zdaryŭsia insult. Uvieś čas da suda jon utrymlivaŭsia ŭ miedyčnaj častcy SIZA.
Piatro Staracitaraŭ naradziŭsia ŭ vioscy Cierachoŭka Dobrušskaha rajona, skončyŭ univiersitet u Kryvym Rozie va Ukrainie pa śpiecyjalnaści «cyvilnaje i pramysłovaje budaŭnictva». Staracitaraŭ na momant zakančeńnia VNU byŭ adziny, chto atrymaŭ čyrvony dypłom.
Paśla vučoby viarnuŭsia ŭ Biełaruś, pracavaŭ u budaŭničaj śfiery. U 90-ch razam ź siabrami stvaryŭ kampaniju «Łotas». U asnoŭnym jana zajmałasia budaŭnictvam, taksama meblevaj vytvorčaściu. Kampanija vypuskaje žalezabietonnyja vyraby, hazasilikatnyja błoki. «Łotas» maje svoj karjer u Mazyrskim rajonie i filijały ŭ Rasii. Kampanija supracoŭničała ŭ tym liku z Mazyrskim naftapierapracoŭčym zavodam. Da 2016 hodu Piatro Staracitaraŭ uvachodziŭ u «Top-50» samych bahatych biznesoŭcaŭ homielskaha rehijona.
«Jon vielmi adukavany, kampietentny budaŭnik i kiraŭnik. Zabiaśpiečyŭ ludziej pracoŭnymi miescami. Raniej na pradpryjemstvie było 1200 pracaŭnikoŭ. Uvieś svoj čas jon addavaŭ pracy, ad rańnia da źmiarkańnia. Piatro Staracitaraŭ achviaravaŭ hrošy na budaŭnictva cerkvaŭ. Naprykład, u vioscy Pieraroŭ Žytkavickaha rajonu. Dapamahaŭ ludziam, i taksama pieraličvaŭ hrošy na dapamohu žyviołam», — kaža krynica Svabody.
Ciapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje22
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje2
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1111
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć11
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
Kamientary