Kiraŭnik «urada Danieckaj Narodnaj Respubliki» Jaŭhien Soncaŭ paviedamiŭ u svaim telehram-kanale, što padčas vizitu ŭ Biełaruś padpisaŭ pahadnieńnie ab supracoŭnictvie z kiraŭničaj kampanijaj chołdynha «Amkador» — bujnoha biełaruskaha vytvorcy techniki.
«Tut vielmi salidnaja kanstruktarskaja hrupa, jakaja zmoža sprajektavać techniku «na zamovu». Luboj składanaści. U ścisłyja terminy. Raźličvajem na doŭhaterminovaje supracoŭnictva», — napisaŭ Soncaŭ.
Pavodle jaho, u Biełarusi atrymałasia damovicca ab pastaŭkach u «DNR» biełaruskich liftaŭ, darožnaj i sielskahaspadarčaj techniki, a aryjencirovačny košt inviestycyj — 3 młrd rasijskich rubloŭ (kala 80 młn biełaruskich).
U skład chołdynha «Amkador» uvachodzić 22 zavody, dzie vyrablajuć pahruzčyki, układčyki asfaltu i techniku dla mielijaracyi. Saŭładalnik chołdynha — nabližany da Łukašenki biznesoviec Alaksandr Šakucin.
Raniej delehacyja «DNR» naviedała «Pieršuju pramysłovuju kampaniju», «Mahiloŭliftmaš» i «Mahateks». Z «Mahiloŭliftmašam» taksama było padpisana pahadnieńnie ab supracoŭnictvie. Ułady Mahiloŭščyny pra vizit nie paviedamlali.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary
PySy: Paśla hetaj padziei Alena Łanskaja kančatkova moža prymierać na sabie tvorčy šlach Julii Čičerinaj.