Biełaruskich školnikaŭ pryciahnuli da ŭdziełu ŭ čempijanacie «Maja Ajčyna — Rasija»
U Rasii dniami prajšoŭ usierasijski čempijanat pa hieahrafii siarod školnikaŭ, dzie taksama paŭdzielničała i Biełaruś razam z akupavanymi ŭkrainskimi terytoryjami. Raskazvajem, ź jakich tem składalisia pytańni dla školnikaŭ.
Ruskaje hieahrafičnaje tavarystva zrabiła spravazdaču ab praviadzieńni 18 žniŭnia Usierasijskaha čempijanatu pa hieahrafii siarod školnikaŭ pad nazvaj «Maja Ajčyna — Rasija». U im taksama ŭdzielničali i biełarusy.
Hety čempijanat prachodziŭ u anłajn-farmacie na bazie Mardoŭskaha dziaržaŭnaha ŭniviersiteta. Charakternaj asablivaściu mienavita hetaha mierapryjemstva (u adroźnieńnie ad letašnich) byŭ adkryty pieralik udzielnikaŭ i ź inšych krain.
Tak, školniki ź Biełarusi i inšych sajuznych Rasii krain u spravazdačy arhanizataraŭ turniru stali ŭ adzin šerah sa školnikami z akupavanych ukrainskich terytoryj. Siarod udzielnikaŭ nazyvajuć «DNR», «ŁNR», Zaparožža, Tadžykistan i Turcyju. Voś jakija temy jany abmiarkoŭvali.
«Udzielniki pavinny byli rašyć dziasiatki zadač pa temach «Historyja asvajeńnia terytoryi Rasii i śvietu», «Fiederatyŭny ład Rasii», «Historyka-kulturnaja spadčyna rasijskich rehijonaŭ» i h.d.», — paviedamiła Ruskaje hieahrafičnaje tavarystva.
Usiaho ž, pavodle źviestak arhanizataraŭ, u hetym čempijanacie ŭziało ŭdzieł bolš za 2100 čałaviek, a ŭzrovień bałaŭ za pravilnyja adkazy na pytańni ŭ niekatorych školnikaŭ dasiahaŭ 109 sa 120 mahčymych.
Čytajcie jašče:
Ruviki ŭ baraćbie za «abjektyŭnaść» i «niejtralnaść»
U škołu ŭ Połackim rajonie zasielać vahnieraŭcaŭ? Čynoŭniki: «Brachnia». Ale dziaciej pieravodziać
«U pašparcie babuli staić data naradžeńnia 00.00.1945» — «A ŭ majoj XX.XX.1940». Jak takoje moža być?2
Kamientary