Navukoŭcy stvaryli sintetyčnyja čałaviečyja embryjony, jakija mohuć vyjavić pryčynu vykidyšaŭ i praduchilić hibiel ludziej
Choć u hetaha embryjona niama ni mozha, ni sercabićcia, daśledčyki spadziajucca, što heta pralije śviatło na pryčyny vykidyšaŭ i hienietyčnych zachvorvańniaŭ.
Navukoŭcy ź Vialikabrytanii i ZŠA stvaryli sintetyčnyja čałaviekapadobnyja embryjony biez patreby ŭ jajcakletkach i śpiermie. Daśledčaja hrupa vykarystoŭvaje ich, kab vyśvietlić, čamu niekatoryja ciažarnaści nie tryvajuć paśla pieršych 14 dzion paśla apładnieńnia. Navukoŭcam nie vielmi šmat viadoma pra hety etap u raźvićci čałavieka, a heta toj čas, kali mnohija ciažarnaści abryvajucca, asabliva pry mietadzie EKA.
Sintetyčnyja embryjony značna adroźnivajucca ad naturalnych embryjonaŭ, jakich navukoŭcy sprabavali vyvučać, padtrymlivajučy EKA-embryjony žyvymi ŭ łabaratornych umovach na praciahu 14 dzion. Daśledčyki kažuć, što jany zmahli stvaryć asiarodździe, jakoje imituje pieršyja 14 dzion raźvićcia płoda pa-za ŭłońniem maci, choć praca jašče nie prajšła ekśpiertnaj pravierki.
U hety ž čas sintetyčnyja embryjony vyklikajuć zaniepakojenaść navukovaj supolnaści i ŭrada jak u Vialikabrytanii, tak i ŭ ZŠA, pakolki hetaja vynachodka zanadta šyroka rassoŭvaje miežy navukovaj etyki. Ale prafiesarka Mahdalena Žernicka-Hioc (Magdalena Żernicka-Goetz), jakaja źjaŭlajecca viadučaj daśledčycaj u prajekcie, skazała CNN, što embryjony byli raspracavanyja nie dla stvareńnia novaha žyćcia, a ŭ nadziei praduchilić hibiel ludziej.
Ciapier sintetyčnyja embryjony zachoŭvajucca ŭ prabirkach i nie mohuć być impłantavanyja va ŭłońnie maci, ale daśledčyki pravodzili padobnyja ekśpierymienty na myšach i małpach, raspaviadaje Gizmodo. Adnak kožny raz, kali jany sprabavali, sintetyčnyja embryjony nie vyžyvali. Brytanskija jurysty, śpiecyjalisty pa etycy i navukoŭcy raspracoŭvajuć tym časam nabor rekamiendacyj, jaki dapamoh by rehulavać padobnyja daśledavańni.
Pa słovach navukoŭcaŭ, raspracoŭka ŭsio jašče pakazvaje patencyjał i moža dać fundamientalnaje ŭjaŭleńnie ab krytyčnych etapach raźvićcia čałavieka. Hetyja etapy vielmi ciažka vyvučać, tamu śviežy padychod moža pryvieści da lepšaha razumieńnia pryčyn rańnich vykidyšaŭ.
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ5
Kamientary