HUBAZiK pryjšoŭ i da siabroŭ dziaŭčyny, pra zatrymańnie jakoj my paviedamlali ranicaj
Jany byli na adnym fota z pratestaŭ.
Ranicaj my paviedamili pra zatrymańnie Aliny Budaj, ale, akazvajecca, siłaviki źviarnuli ŭvahu i na jaje siabroŭ.
Ilja Jankoŭski, jak śćviardžaje kanał siłavikoŭ, pryjšoŭ u HUBAZiK sam, bo patrapiŭ na fota, dzie byli jon i jahonyja siabry. Jamu 31 hod, i, zhodna ź infarmacyjaj ad «Kibierpartyzanaŭ», jon niadoŭha pracavaŭ u «Zielanbudzie». Apošnim časam, zhodna ź infarmacyjaj u sacsietkach, mužčyna pracuje ŭ Rasii — u 2019-m heta była budaŭničaja kampanija.
HUBAZiK śćviardžaje, što paśla taho, jak jon dobraachvotna pryjšoŭ da ich u padraździaleńnie, zamiest utrymańnia ŭ SIZA jon atrymaje padpisku ab niavyjeździe, a pakarańnie, chutčej za ŭsio, nie budzie źviazana z realnym pazbaŭleńniem voli.
Nakolki viadoma «Našaj Nivie», zatrymali i 31-hadovuju siabroŭku Aliny Budaj — Darju Ahryzka. Jana źnikła z usich sacsietak u toj ža momant, što i jaje siabroŭka.
Dziaŭčyna skončyła farmaceŭtyčny fakultet Viciebskaha dziaržaŭnaha miedycynskaha ŭniviersiteta. Vučyłasia na biudžecie z dobrym siarednim bałam, a paśla adpracoŭvała ŭ adnoj ź minskich aptek.
Jašče adna dziaŭčyna, pakazanaja ŭ videa HUBAZiKa na supolnym fota, užo adbyvaje pakarańnie pa artykule 342 KK za ŭdzieł u pratestach. Jana atrymała pakarańnie ŭ vyhladzie «chimii» abo «chatniaj chimii», kali mierkavać pa śpiskach pravaabaroncaŭ.
Miarkujučy pa ŭsim, ludziej apaznali na supolnym fota, jakoje znajšli ŭ adnaho ź ich paśla zatrymańnia ź inšaj nahody abo ŭ sacsietkach.
«Naša Niva» — bastyjon biełaruščyny
PADTRYMAĆCiapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary