71-hadovamu piensijanieru z Baranavičaŭ dali chatniuju chimiju za abrazu Łukašenku. Ale ŭzrost, na žal, nie zaŭsiody ratuje
Hienadzia Palanina abvinavacili ŭ abrazie Alaksandra Łukašenki pavodle č. 1 art. 368 Kryminalnaha kodeksa. Spravu razhladaŭ sudździa Arciom Padalaniec, piša «Viasna».
Pa materyjałach abvinavačańnia, Hienadź Palanin u čacie «Biełaruś u šoku! Chat» raźmiaściŭ tekstavaje paviedamleńnie, «jakoje prynižaje honar i hodnaść asoby Łukašenki» ŭ nieprystojnaj formie, tym samym naŭmysna publična pryniziŭ honar i hodnaść jahonaj asoby».
Da suda Palanin znachodziŭsia pad padpiskaj ab niavyjeździe.
Sud, z ulikam uzrostu abvinavačanaha, pryznačyŭ jamu pakarańnie ŭ vyhladzie dvuch hadoŭ chatniaj chimii.
Zrešty, uzrost nie zaŭsiody ratuje ad terminaŭ. Učora stała viadoma pra prysud 69-hadovaj Natalli Piatrovič, jakoj dali šeść hadoŭ kałonii.
Najstarejšym viaźniem źjaŭlajecca 75-hadovaja Natalla Taran, asudžanaja na try z pałovaj hady kałonii za abrazu i paklop na Łukašenku i źniavahu pradstaŭnika ŭłady. Žančyna maje šerah chraničnych zachvorvańniaŭ.
A 71-hadovy Vasil Dziemidovič naohuł asudžany na siem hadoŭ kałonii ŭzmocnienaha režymu za «arhanizacyju masavych biesparadkaŭ», abrazu Łukašenki, abrazu sudździ i pradstaŭnika ŭłady.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary