U Bychavie 14-hadovy školnik žartam streliŭ u tavaryša ź pnieŭmatyki
Kali baćkoŭ nie było doma, syn zaprasiŭ u hości traich siabroŭ i vyrašyŭ pakazać im baćkavu pnieŭmatyčnuju vintoŭku.
U Bychavie 14-hadovy padletak, znachodziačysia ŭ haściach u siabra, atrymaŭ ranieńnie ź pnieŭmatyčnaj zbroi. Paśla praviedzienaja sudova-miedycynskaja ekśpiertyza acaniła atrymanyja cialesnyja paškodžańni jak ciažkija, paviedamlaje Dziaržaŭny kamitet sudovych ekśpiertyz.
Heta zdaryłasia ŭ kancy červienia. Kali baćkoŭ nie było doma, syn zaprasiŭ u hości traich siabroŭ i vyrašyŭ pakazać im baćkavu pnieŭmatyčnuju vintoŭku. Pakul nios jaje z haraža, vyśpieŭ «žart» — napałochać haściej.
Dumajučy, što vintoŭka niezaradžanaja, padletak nakiravaŭ jaje ŭ bok 14-hadovaha siabra, jaki znachodziŭsia za 2—3 mietry ad jaho, i nacisnuŭ kurok.
Streł nie byŭ chałastym: kula trapiła ŭ pravuju ščaku chłopčyka. Paśla apracoŭki rany paciarpieły pajšoŭ dadomu, dzie raspavioŭ pra zdareńnie baćkam — jany dastavili jaho ŭ rajonnuju balnicu, a ŭžo adtul jaho nakiravali ŭ Mahiloŭskuju abłasnuju dziciačuju balnicu.
U suviazi sa składanaściu vymańnia kuli ź miakkich tkanak hłotki praź niekalki dzion padletka pieraviali na stacyjanarnaje lačeńnie ŭ Minsk. Kulu dastali padčas apieracyi daktary RNPC dziciačaj chirurhii, dalej chłopčyk prachodziŭ lačeńnie ŭ RNPC otarynałarynhałohii. Ciapier jon doma, jaho stan zdavalniajučy.
Pa vynikach sudova-miedycynskaj ekśpiertyzy ŭstanoŭlena, što byli ŭ padletka skraznaja rana pravaj ščaki i pranikalnaje ranieńnie hłotki, što adnosiacca da ciažkich cialesnych paškodžańniaŭ pa prykmiecie niebiaśpieki dla žyćcia.
Ciapier čytajuć
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała18
Kamientary