Na «Naftanie» nie spyniajucca zvalnieńni za palityku. Pryčyna — padpiski na niezaležnyja telehram-kanały
Stała viadoma pra zvalnieńnie jašče troch pracaŭnikoŭ zavodaŭ «Naftan» i «Palimir». Adbyłosia heta kala dvuch tydniaŭ tamu.
Usich zvolnienych abvinavacili ŭ padpiscy na pratesnyja kanały zavoda.
Taksama stała viadoma, što isnuje kanał, jaki viadzie niechta z administracyi zavoda, dzie publikujucca «haniebnyja śpisy» zatrymanych i zvolnienych za padpiski na niezaležnyja miedyja. Paznačajucca poŭnyja źviestki hetych ludziej, a taksama publikujucca videa ź imi, uziatyja z kanałaŭ HUBAZiKa.
Ułasna ŭ hetym kanale i paviedamili pra novyja zvalnieńni.
Były pracaŭnik «Naftana» i stačkamaviec Alaksandr Sakałoŭ kaža, što dakładna nieviadoma, chto viadzie taki kanał. Heta moža być jak redakcyja haziety «Vieśnik Naftana», hetak i ideołahi zavoda i navat śpiecsłužby.
«Na zavodzie kirujuć kadebisty. Kiraŭnictva nižejšaha ŭzroŭniu vykonvaje zahady, a kiraŭniki zavoda, prynamsi, častka ź ich, nie suprać takich mier, navat za. U kiraŭnictvie asabliva prasłaviŭsia tym, što spryjaje zvalnieńniu niazhodnych, hałoŭny inžynier pradpryjemstva Juryj Kryvač», — kaža Alaksandr.
Nahadajem, u siaredzinie maja adbyłasia vialikaja abłava na pracaŭnikoŭ «Naftana» i «Palimira». Pa jaje vynikach było pakarana i zvolniena 16 čałaviek. Bolšuju častku ludziej sudziła sumnaviadomaja Zinaida Bałabołava, jakaja niadaŭna patrapiła pad sankcyi ES.
«Naša Niva» — bastyjon biełaruščyny
PADTRYMAĆCiapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary