U Stolinskim rajonie elektryki staviać śpiecyjalnyja apory dla hniezdavańnia busłoŭ
Apory dla hniezdavańnia busłoŭ rabotniki elektrasietak ustaloŭvajuć u miežach bierahavoj linii raki Kopaniec na Stolinščynie, paviedamlaje «Miedyja-Paleśsie». Takija śpiecyjalnyja miescy dla ptušak majuć stać, pavodle zadumy, alternatyvaj aporam linij elektrapieradač.
Budujučy hniozdy na aporach linij elektrapieradač, busły niaredka robiacca pryčynaj techničnych niaspraŭnaściaŭ. A hetyja apory ciapier dla busłoŭ — samaje ŭlubionaje miesca paśla taho, jak u vioskach kančatkova adyšli ŭ historyju sałamianyja dy čaracianyja strechi.
«Spadziajomsia, što hetaja miera paspryjaje jak źmianšeńniu avaryj, tak i pavieličeńniu papulacyi simvała Stolinskaha rajona», — paviedamlajuć Stolinskija elektrasietki.
Uvohule, takija biaśpiečnyja apory dla ptušak pačali ŭstaloŭvać na Stolinščynie niekalki hadoŭ tamu. Tyja, što staviać ciapier, prydaducca ŭžo tolki naleta — sioleta busły nieŭzabavie ŭžo pačnuć adlatać u vyraj.
Biełaruskaha Siniuju Baradu adpuścili z rasijskaj turmy pamirać doma6
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary