U Kalinkavickim rajonie para busłoŭ zdoleła vykarmić ažno šeść ptušaniat. Heta redkaść
U Kalinkavickim rajonie para busłoŭ vyvieła i zdoleła vykarmić šaściarych ptušaniat. Zvyčajna ŭ buślankach my bačym pa dvoje-troje ptušaniat. A pa šeść buślaniat u adnym hniaździe byvaje ŭ spryjalnyja hady, jak piša «Dzikaja pryroda pobač».
U niekatoryja hady na Prypiaci na dźvie-try sotni hniozdaŭ možna naličyć 10 buślanak z šaściu małymi. U litaratury traplajucca zhadki pra vypadki i ź siamiu buślaniatami, ale jany vielmi redkija.
Kalinkavickaje hniazdo z buślaniatami znajšoŭ i sfatahrafavaŭ Andrej Šeŭčyk.
Kamientar pa hetym vypadku paprasili ŭ Iryny Samusienki — daśledčycy busłoŭ, zahadčycy łabaratoryi arnitałohii Navukova-praktyčnaha centra NAN Biełarusi pa bijaresursach. Jana jakraz była ŭ ekśpiedycyi pa ŭlikach busłoŭ i havoryć, što tam, u Ivacevickim rajonie, daloka ad Prypiaci, było ŭ asnoŭnym pa adnym-dva, časam pa troje buślaniat.
«Ad hetaha hoda ja nie čakała šmat, tamu ździviłasia paviedamleńniu pra šaściarych buślaniat. Ja čakała, što hety hod budzie jak 2015-y, kali bolš za pałovu par busłoŭ prosta nie mieli małych: my navat radavalisia, kali sustrakali adzinkavyja vypadki pa 5 buślaniat. Takich vypadkaŭ było dva ci try na 2-3 sotni hniozdaŭ. Ciapier jedziem na Pinščynu, moža, tam budzie bolš buślaniat. U Prypiaci była vialikaja vada, niahledziačy na toje, što na palach sucha».
U Biełarusi sioleta adznačajucca rekordna vysokija tempieratury, praciahłyja pieryjady biez daždžoŭ: źmieny klimatu dajuć pra siabie viedać. Ale kalinkavickija busły zdoleli znajści ŭdałaje miesca dla hniezdavańnia. Ich «uradžajnaść» pakazvaje, što ježy chapaje i im, i ptušaniatam.
«Sapraŭdny bajec». Jak u Hrodzienskim zaaparku vyratavali žyćcio busłu
U Jeŭropie biełyja busły hniaździacca razam z čornymi i navat utvarajuć adnapołyja pary
«Jašče možna paspračacca, chto bolšy drapiežnik i chto prynosić bolš škody — busieł ci sip». Ekzatyčnaja ptuška pasialiłasia ŭ Loźnienskim rajonie ŭ spustošanaj buślancy
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary