Jany nie pracavali niekalki dzion.
Adnavili pracu sajt i telehram-kanał niezaležnaha vydańnia «Narodnaja Vola».
Bačnych źmien tam niama, artykuły na sajcie tyja ž samyja, što byli da 31 lipienia.
Redakcyja «Narodnaj Voli» była vymušanaja spynić druk haziety ŭ listapadzie 2020 hoda paśla taho, jak ułady zabaranili ź joj supracoŭničać usim biełaruskim drukarniam i pierakryli mahčymaści drukavacca za miažoj.
Hazieta vydavałasia ŭ PDF-farmacie, ale ŭ pačatku 2023 hoda było prypyniena i heta, a ŭ červieni Mininfarm anulavaŭ paśviedčańnie ab rehistracyi. 31 lipienia pierastaŭ abnaŭlacca sajt vydańnia.
4 žniŭnia stała viadoma, što Iosif Siaredzič pakidaje pasadu hałoŭnaha redaktara. Jon kiravaŭ vydańniem 28 hadoŭ z momantu zasnavańnia haziety ŭ lipieni 1995 hoda.
Jon taksama paviedamiŭ, što pravy ŭłaśnika sajta nv-online.info pieradaŭ inšaj asobie, tamu elektronny partał nie źnikaje ź infarmacyjnaha pola. «I chočacca spadziavacca, što sajt jak danosiŭ, tak i budzie danosić PRAŬDU da šyrokaj hramadskaści», — napisaŭ tady Iosif Siaredzič.
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii19
Kamientary