Azaronak abiacaje represii brasłaŭskamu muzieju. Vinoju stali kniha Sałžanicyna i zhadka BNR na paštoŭkach
Prapahandyst Ryhor Azaronak, jaki niadaŭna zładziŭ inśpiekcyju panskamu majontku «Suła», vyrašyŭ zaniacca ekspazicyjami i inšych muziejaŭ. Pad haračuju ruku trapiŭ krajaznaŭčy muziej Brasłava.
Prapahandyst vykłaŭ u svaim telehram-kanale foty rečaŭ, jakija jamu nie spadabalisia ŭ muziei.
Heta zapis z padziakaj u haściavoj knizie za 2021 hod ad hałoŭnaha daradcy ZŠA, kniha Sałžanicyna «Archipiełah HUŁAH» («bajki baradataha zdradnika», jak nazvaŭ heta Azaronak), ściah Biełaruskaha asobnaha bataljona (jon byŭ u składzie armii Litvy, jakaja vajavała za niezaležnaść Litvy ŭ 1918—1920 hadach), paštoŭki da śviatkavańnia 25 Sakavika — Dnia Voli i abviaščeńnia niezaležnaści BNR.
«Aburanyja naviedvalniki dasyłajuć abstanovačku ŭ krajaznaŭčym muziei Brasłava», — padpisaŭ hetyja foty prapahandyst.
«Što robiać miascovyja ideołahi?» — aburajecca Ryhor Azaronak.
I abiacaje, što zładzić muzieju represii.
Kamientary
Paŭtarycie praceduru datyčna luboha dziaržmuzeju.