Miaciežniki Nihiera zajavili ab denansacyi vajskovych pahadnieńniaŭ z Francyjaj
Vajskovyja pahadnieńni, zaklučanyja pamiž Nihieram i Francyjaj, bolš nie dziejničajuć. Pra heta zajavili miaciežniki, jakija zachapili ŭładu ŭ afrykanskaj dziaržavie, jak paviedamlaje ahienctva AFP.
Taksama miaciežniki abviaścili pa nacyjanalnym telebačańni ab adkryćci miežaŭ z Ałžyram, Burkina-Faso, Livijaj, Mali i Čadam.
Havorka idzie jak pra pavietranyja, tak i suchaputnyja znosiny. Miežy byli zakrytyja 26 lipienia paśla taho, jak vajskoŭcy ździejśnili ŭ Nihiery dziaržaŭny pieravarot.
U toj ža dzień miaciežniki abviaścili pra adchileńnie ad ułady prezidenta Nihiera Machamieda Bazuma i aryštavali jaho. Taksama była ŭviedziena ahulnanacyjanalnaja kamiendanckaja hadzina i prypyniena dziejnaść usich ustanoŭ respubliki.
Miaciežniki patłumačyli svaje dziejańni paharšeńniem biaśpieki, ekanamičnymi i sacyjalnymi prablemami. Rada Biaśpieki AAN i prezident ZŠA Džo Bajden paźniej zaklikali ŭdzielnikaŭ buntu vyzvalić demakratyčna abranaha prezidenta krainy.
Bazum byŭ źniaty sa svajoj pasady ŭ vyniku dziaržaŭnaha pieravarotu ŭviečary 27 lipienia. Praź niekalki dzion Afrykanski sajuz zaklikaŭ vajskoŭcaŭ adnavić kanstytucyjnuju ŭładu za 15 dzion.
U Rasii adznačyli, što sačyli za padziejami ŭ krainie i abmiarkoŭvali ich z afrykanskimi lidarami na pieciarburhskim forumie. U Francyi tłumačyli, što pieravarot uskładnić uviadzieńnie antyrasijskich sankcyj. Heta abumoŭlena tym, što kala 15% zapasaŭ uranu pastupała ŭ Francyju ź Nihiera.
Ciapier čytajuć
Što robiać ź biełarusami, jakich aryštavali, ale nie paśpiavajuć asudzić za pratesty. Jość dva šlachi3
Kamientary