Pa infarmacyi žurnalista France 24, adzin ź lidaraŭ prarasijskich putčystaŭ Nihiera pryjechaŭ u susiedni Mali, dzie znachodzicca adna z asnoŭnych baz PVK «Vahnier» u Afrycy, kab prasić ich ab dapamozie ŭ abaronie chunty.
Adrazu niekalki krynic z Mali paviedamili, što da ich pryjechaŭ adzin ź lidaraŭ prarasijskaj vajskovaj chunty Nihiera, jakaja niadaŭna zachapiła ŭładu ŭ krainie. Metaj hetaha vizitu źjaŭlajucca pieramovy ab chutčejšym razhortvańni najmitaŭ PVK «Vahnier» u Nihiery na fonie mahčymaha vajennaha ŭvarvańnia ŭ krainu z boku prazachodnich siłaŭ ŭ Afrycy.
Jak adznačaje žurnalist vydańnia France 24 Vasim Nasr, pradstaŭnikom putčystaŭ na pieramovach u Mali źjaŭlajecca hienierał Salifu Modzi, namieśnik Amara Čyjani, hałoŭnaha kiraŭnika chunty Nihiera.
#Niger selon deux sources maliennes l'ancien chef dÉtat-major « #Mody est à #Bamako « pour demander un déploiement rapide de #Wagner à #Niamey » ici au départ de l'aéroport avec la délégation de la junte nigérienne pic.twitter.com/u52tkHcQv3
Nahadajem, što Mali — adzin z hałoŭnych apornych punktaŭ «Vahniera» ŭ Afrycy. U hetaj krainie ŭ 2021 hodzie adbyŭsia taki samy prarasijski vajskovy pieravarot, lidary jakoha adrazu ž vyhnali adtul francuzskuju armiju i zatym zaprasili vahnieraŭcaŭ.
Siońniašniaja kolkaść rasijskich najmitaŭ u Mali aceńvajecca ad niekalkich sotniaŭ da niekalkich tysiač čałaviek.
Miž tym, užo prajšło niekalki dzion z momantu abviaščeńnia ŭltymatumu vajskovaj chuncie Nihiera, jaki zrabili adrazu niekalki krain Zachodniaj Afryki z padtrymkaj ZŠA, Vialikabrytanii i Jeŭrasajuza.
Zhodna z ultymatumam, putčystam dadzieny roŭna tydzień na vyzvaleńnie prezidenta Nihiera i adnaŭleńnie kanstytucyjnaha ładu krainy. U advarotnym vypadku možna čakać poŭnamaštabnaha vajskovaha ŭmiašańnia z boku prazachodnich sił u Afrycy.
ZŠA padtrymali ŭltymatum afrykanskich krain prarasijskaj chuncie Nihiera. A jana spyniła ekspart uranu ŭ Francyju
U Pientahonie prakamientavali incydent ź biełaruskimi viertalotami, što zalacieli na terytoryju Polščy
Vahnieraŭcy ŭzvodziać fartyfikacyi na palihonie «Repišča» pad Asipovičami. Spadarožnikavy zdymak
Kamientary