Jakija kolery buduć aktualnyja hetaj vosieńniu. Instytut Pantone vyznačyŭ hałoŭnyja adcieńni siezona
«Haračaja pamadka», «Piaščotny piersik»… Kab być u trendzie hetaj vosieńniu, pahladzicie, jakija modnyja adcieńni prapanuje viadučy instytut vyvučeńnia koleru Pantone.
Instytut Pantone prahnazuje hłabalnyja kalarovyja tendencyi i vydzialaje lepšyja adcieńni kožnaha siezona. Kab zrazumieć, jakija kolery stanuć papularnymi, śpiecyjalisty centra vykarystoŭvajuć daśledavańni ŭ halinie psichałohii, markietynhu i dyzajnu. Vynikam pracy stanovicca paŭhadavy prahnoz tendencyj Pantone Fashion Color Trend Report. Jon słužyć svojeasablivym daviednikam dla brendaŭ, žurnalistaŭ i zvyčajnych amataraŭ mody.
U palitry budučaha siezona pradstaŭleny piatnaccać modnych koleraŭ: dziesiać akcentnych i piać kłasičnych. Prapanujem pahladzieć na samyja intryhujučyja, bo mienavita jany buduć papularnyja ŭ chałodnyja miesiacy.
Hałoŭny koler hetaha hoda — Viva Magenta zastajecca aktualnym. Hetaje adcieńnie budzie vydatna hladziecca ŭ kalekcyjach vosieńskaha adzieńnia: kašmiravyja i viazanyja vyraby ź jaho stanuć asabliva ŭdałymi. Zrešty, dadavać Viva Magenta u harderob treba aściarožna — kali vy vykarystoŭvajecie jaho ŭ totał-łuk varyjancie, jon patrabuje idealnaha tonu skury.
Jašče adzin śviežy koler — Tender Peach, padydzie dla amataraŭ ciopłych bežavych adcieńniaŭ. Na «Piaščotny piersik» varta źviarnuć uvahu ludziam ź miakkim kałarytam źniešnaści — dla ich jon moža stać bazavym.
U vosieńskaj palitry pradstaŭlena adcieńnie hullivaj fuksii — Rose Violet. Ružova-fijaletavy budzie vydatna hladziecca ŭ detaliroŭcy vobrazaŭ abo ŭ jakaści pamady. Manachromnyja łuki ŭ hetym kolery patrabujuć idealnych makijažu i pryčoski.
Adzin z hałoŭnych koleraŭ siezona — Eclipse, začaroŭvaje svajoj hłybinioj. Asabliva ŭdała ŭ hetym ciomna-sinim buduć hladziecca palito, švedry, a taksama doŭhija sukienki.
Hetaj vosieńniu, zamiest zvykłaha biełaha i bežavaha, dyzajniery buduć vykarystoŭvać bolš składanyja adcieńni — ciopły Coconut Milk i chałodny Silver Birch. Jany stvorać cikavuju bazu dla łukaŭ i buduć dobra miksavacca z astatnimi trendavymi kolerami.
Zahadkavy ciomna-karyčnievy koler śpiecyjalisty PANTONE nazvali «Haračaja pamadka» abo Hot Fudge. Kali vam nadakučyŭ bazavy čorny — hetaje adcieńnie zmoža lohka jaho zamianić. Tym bolš, što vyhladaje jano bolš stylna i składana.
Tym, chto lubić jarkaje adzieńnie, vidavočna spadabajecca Fiery Red. Vohnienna-čyrvony budzie dobra hladziecca jak u totał-łukach, tak i ŭ aksesuarach ci makijažy. Da pamad u Fiery Red modnicam nasamreč varta pryhledziecca.
Dalikatnaje adcieńnie chałodnaha błakitnaha padydzie dla paŭsiadzionnych vobrazaŭ. Lacecap Hydrangea budzie dobra aśviažać tvar, tamu na jaho varta źviarnuć uvahu.
Spectra Yellow — žyćciaradasny koler, jaki vyratuje ad vosieńskaj markoty. Jon sahreje ŭ chałodnaje nadvorje i naładzić na enierhičny ład. Akramia taho, u jarkim žoŭtym składana zastacca niezaŭvažanym, tamu apynucca ŭ centry ŭvahi ŭ im asabliva prosta.
Fota: Pinterest/instahram Pantone
Ciapier, kali vy viedajecie trendavyja kolery budučaha siezonu, vam budzie lahčej padrychtavać da jaho svoj harderob. Kab zrabić pachod za pakupkami ekanomnym i pryjemnym, nie zabudźciesia zazirnuć u naša kiraŭnictva pa šopinhu na rasprodažach.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ5
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj13
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4343
Kamientary