U płaciežnaj sistemie ARIP budzie ŭkaraniony veb-servis pa pryjomie anłajn-płaciažoŭ z-za miažy. Pra heta havorycca ŭ dakładzie načalnika Hałoŭnaha ŭpraŭleńnia manietarnaj palityki i ekanamičnaha analizu Nacbanka Biełarusi Dźmitryja Muryna, zaŭvažyŭ Reform.by.
«Pavieličeńnie doli płaciažoŭ, jakija prymajucca ŭ ARIP, u tym liku pa apłacie nierezidentami žyllova-kamunalnych pasłuh, budzie źviazana z realizacyjaj servisaŭ, nakiravanych na zabieśpiačeńnie pramoha ŭzajemadziejańnia płaciežnaj sistemy ŭ ARIP z płacielščykam», — paviedamiŭ pradstaŭnik Nacbanka.
Havorka idzie pra raspracoŭku veb-servisu pa pryjomie anłajn-płaciažoŭ internet-karystalnikaŭ niezaležna ad najaŭnaha ŭ ich płaciežnaha instrumienta, jaki zabiaśpiečyć nierezidentam dostup da ažyćciaŭleńnia płaciažoŭ.
Banki-nierezidenty buduć pryciahvacca ŭ jakaści raźlikovych ahientaŭ ARIP.
Budzie raspracavana mahčymaść apłaty administracyjnych pracedur jurydyčnych asob praz hetuju sistemu. Sioleta pačniecca rabota pa ŭkaranieńni nazvanych inavacyj u płaciežnyja sistemy bankaŭ i ARIP.
U płanach taksama raspracoŭka zručnych i zapatrabavanych u ARIP servisaŭ, jakija vykarystoŭvajuć ałharytmy pramoha debietavańnia.
Ciapier čytajuć
U Minsku pieradumali znosić chruščoŭki. Renavacyja zakranie dvuch-trochpaviarchovyja damy1
Kamientary