U Kłajpiedzie tanuła dvoje biełarusaŭ. Spatrebiłasia dapamoha daktaroŭ
Spačatku ŭ litoŭskaj Bałtycy tanuli 18-hadovy junak i jaho maci, jakija pryjechali na mora ź Minska, paźniej ratavali 12-hadovuju dziaŭčynku z Kłajpiedy, jakaja pryjšła na mora z babulaj, piša Delfi.
«Samaje niepryjemnaje, što i našy hramadzianie, i pryjezdžyja nie źviartajuć uvahi na znaki «Jama» i «Kupacca zabaroniena». Jany kupalisia tam, dzie adbojnaje ciačeńnie vynosić u mora», — skazaŭ namieśnik dyrektara Klaipėdos paplūdimiai («Kłajpiedskija plažy») Alaksandras Sijaki.
Pavodle jaho, kali b nie vokamhniennaja reakcyja ratavalnikaŭ, to situacyja była b sumnaj.
«Babula 12-hadovaj dziaŭčynki raspaviała, što sačyła za ŭnučkaj, jakaja kupałasia ŭ mory, i tolki na imhnieńnie adviała pozirk, jak ciačeńnie zabrała dziaŭčynku ŭ mora. Heta dobry prykład — nielha pakidać dziaciej u mory adnych. Na ščaście, usio skončyłasia dobra», — zaŭvažyŭ Sijaki.
Biełarusam spatrebiłasia dapamoha daktaroŭ, ale ŭsio abyšłosia. U subotu ratavalniki dapamahali vybracca ź jamy i inšym adpačyvalnikam.
«Visić žoŭty ściah, ludzi rassłabilisia. Mora byvaje niebiaśpiečnym, asabliva tady, kali jość adbojnaje ciačeńnie i chvali. Budźcie aściarožnyja», — zaklikaŭ vyratavalnik.
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary