27 lipienia 1990 hoda Viarchoŭny Saviet Biełaruskaj Savieckaj Sacyjalistyčnaj Respubliki absalutnaj bolšaściu hałasoŭ, amal adnahałosna, pryniaŭ Dekłaracyju ab dziaržaŭnym suvierenitecie.
Biełarusy pajšli za prykładam inšych respublik impieryi, a najpierš — ukraincaŭ, jakija pryniali svaju dekłaracyju 16 lipienia.
Dekłaracyja nie źmianiła realnaha stanu krainy jak častki SSSR, ale stvaryła hrunt dla abviaščeńnia niezaležnaści ŭ 1991 hodzie. Tady ŭ žniŭni parłamient nadaŭ Dekłaracyi 1990 hoda status kanstytucyjnaha akta.
U mnohich inšych krainach Jeŭropy daty pryniaćcia takich aktaŭ stali dziaržaŭnymi śviatami — Dniami niezaležnaści. U Biełarusi 27 lipienia było dziaržaŭnym śviatam, vychadnym dniom u 1991—1996 hadach, pakul Alaksandr Łukašenka nie zamianiŭ jaho dataj z savieckaj historyi — 3 lipienia.
U 1990-ja i na pačatku 2000-ch datu praciahvali śviatkavać demanstracyjami ŭ stalicy, až pakul ułady nie abmiežavali svabodu schodaŭ.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary