«Jon svaryŭsia na ludajedaŭ za ich niedastatkovy apietyt». Navalny nazvaŭ Strałkova palitviaźniem
Alaksiej Navalny, jaki adbyvaje ciapier dzieviacihadovy termin, zajaviŭ, što ličyć aryšt Ihara Strałkova (Hirkina) niezakonnym.
«Ihar Strałkoŭ zatrymany niezakonna. Pakul jon zastajecca pad vartaj pa hetym niedarečnym i vidavočna palityčna matyvavanym abvinavačvańni, jon źjaŭlajecca palityčnym viaźniem», — zajaviŭ Navalny.
Jon nahadaŭ, što Strałkoŭ (Hirkin) byŭ zavočna asudžany sudom u Niderłandach pa spravie ab zabojstva 298 pasažyraŭ «Boinha», źbitaha nad Danbasam u lipieni 2014 hoda.
«Ale ciapier Strałkoŭ aryštavany nie pa abvinavačvańni ŭ ździajśnieńni hetaha złačynstva, a pa fiktyŭnaj i sfabrykavanaj spravie ab ekstremiźmie. Kažučy prosta — za krytyku ŭłady. A kankretna Šajhu i Pucina. Biezumoŭna, krytyka Strałkova — heta krytyka sprava. Jon svaryŭsia na ludajedaŭ za ich niedastatkovy apietyt. I davaŭ parady, jak lepš jeści ludziej. I jak pravilniej vieści niezakonnuju, ahresiŭnuju i durnuju vajnu. Adnak niezaležna ad pohladaŭ Strałkova my pavinny stajać na pazicyjach zakona i spraviadlivaści. Čałavieka možna sudzić tolki za toje złačynstva, jakoje jon ździejśniŭ. Złaradničać z taho, što Strałkoŭ staŭ achviaraj svajoj ułasnaj ułady, aznačaje publična padtrymlivać biezzakońnie», — dadaŭ Navalny.
Ihar Strałkoŭ (Hirkin) byŭ aryštavany 21 lipienia pa abvinavačvańni ŭ ekstremiźmie z-za dvuch dopisaŭ u jaho sacsietkach. Jaho zatrymali pa danosie byłoha supracoŭnika PVK «Vahnier».
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary
Ludažer i šavinist.
navalny i strałkoŭ.
Z takimi susiedziami i vorahaŭ nie treba, pravy Babčanka- tolki roŭ z krakadajłami nas ŭratuje.