Jaho asudzili nie za machinacyi ŭ biźniesie, a za machlarstva z strachoŭkaj asabistaha aŭto.
Jaho asudzili nie za machinacyi ŭ biźniesie, a za machlarstva z strachoŭkaj asabistaha aŭto. Aryštavali jaho ŭ śniežni 2008-ha paśla taho, jak jon zakryŭ ułasnyja kramy, pratestujučy suprać pravierak.
Uładzimir Zacharaŭ, bujny biznesoviec, jaki vałodaŭ ŭ Połacku sietkaj charčovych kramaŭ i handlovymi centrami «Stralecki rynak», «Kapitał» i «Eŭraluks», asudžany na dva z pałovaj hady pazbaŭleńnia voli z kanfiskacyjaj majomaści i adbyvańniem pakarańnia ŭ vypraŭlenčaj kałonii ŭzmocnienaha režymu.
Połacki aliharch byŭ aryštavany 28 śniežnia 2008 hoda paśla skandału z zakryćciom ułasnych kramaŭ. Tady biez pracy zastałasia kala dźviuch tysiač čałaviek, u vyniku čaho ŭ horadzie navat uspychnuli stychijnyja mitynhi. Indyvidualnyja pradprymalniki, jakija arandavali ŭ Zacharava płoščy, napisali kalektyŭny list uładam, z patrabavańniem navieści paradak. Tydniem paźniej «vinoŭnik biesparadkaŭ» byŭ aryštavany.
Jak ni dziŭna, Uładzimir Zacharaŭ asudžany nie za machinacyi ŭ śfiery biźniesu, a za machlarstva z strachoŭkaj asabistaha aŭtamabila BMW X5 pa spravie 2001 h. Sud pryznaŭ bahaciejšaha čałavieka Połacka vinavatym u insceniroŭcy aŭtaavaryi z metaj atrymańnia strachoŭki dla ramontu džypa, jaki raniej atrymaŭ surjoznyja paškodžańni ŭ realnym DTZ, pryčynaj jakoha stała pieravyšeńnie chutkaści spadarom Zacharavym. Sprava była ŭraspačataja ŭ 2002 hodzie, kali strachavaja suma ŭžo była vypłačana całkam, a zatym dva razy prypyniałasia i adnaŭlałasia.
Dokaz viny połackaha biznesoŭca byŭ pabudavany na śviedčańniach adnoj žančyny, jakaja pakazała, što sapraŭdnaja avaryja adbyłasia ŭ inšy čas i ŭ inšym miescy. Śledčym orhanam udałosia «dacisnuć» połackaha aliharcha, i jon padpisaŭ čystasardečnaje pryznańnie i kampiensavaŭ škodu strachavoj kampanii ŭ trochrazovym pamiery. Akramia U. Zacharava dva z pałovaj hady atrymaŭ i adzin ź jaho suudzielnikaŭ, inšy ŭdzielnik insceniroŭki – supracoŭnik prakuratury – abvieščany ŭ vyšuk.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty44
Kamientary