Pavodle infarmacyi «Biełaruskaha partyzana», u pradprymalnika skanfiskavali 900 tysiač dołaraŭ i 600 tysiač jeŭra.
Pavodle infarmacyi «Biełaruskaha partyzana», 29 śniežnia byŭ aryštavany skandalna viadomy navapołacki pradprymalnik Uładzimir Zacharaŭ.
Nahadajem, 22 i 23 śniežnia ŭ Navapołacku nie pracavali handlovyja damy «Stralecki rynak», «Jeŭraluks» i «Kapitał», jaki naležać Zacharavu. Uładalnik tady rastłumačyŭ heta tym, što «nie bačyć sensu pracy ŭ takich žorstkich ŭmovach, jakija jašče horš uzmacniajucca ŭ Biełarusi».
Pradprymalniki, jakija arandavali ŭ Zacharava pamiaškańni, pazbavilisia praz heta vialikich dachodaŭ i navat rychtavali kalektyŭny zvarot u Haspadarčy sud.
“Jon ni z kim nie idzie na kantakt, jaho nichto nie moža znajści! Jon havoryć, što jamu nadakučyli pravierki”, – kazaŭ u tyja dni adzin z navapołackich pradprymalnikaŭ.
“Partyzan” pieradaje, što toj bunt moh być źviazany z tym, što Zacharaŭ užo viedaŭ, što suprać jaho zaviedzienaja kryminalnaja sprava. Sajt paviedamlaje, što pry vobšuku ŭ biźniesmiena było znojdziena 900 tysiač dołaraŭ i 600 tysiač jeŭra.
Ciapier jon nibyta znachodzicca ŭ izalatary na Vaładarskaha.
Namieśnik načalnika pres-słužby MUS Aleh Ślepčanka nie zmoh ni abvierhnuć, ni paćvierdzić hetuju infarmacyju, tolki paraiŭ źviarnucca ŭ Viciebskuju abłasnuju milicyju. Telefon tamašniaj pres-słužby maŭčaŭ. Viadoma, Novy hod.
Darečy, viestki pra aryšt Zacharava praślizhvali na niekatorych internet-forumach.
Uładzimir Zacharaŭ – adzin z najbolš upłyvovych ludziej Navapołacku. Niaredka jon krytykavaŭ miascovyja ŭłady. Aproč handlovych centraŭ jon vałodaje hazietaj “Inform-Plus”, a taksama telekanałam “Kvant” i šmat čym jašče ŭ horadzie. Ciapier usiaho heta Zacharaŭ moža pazbavicca.
Kamientary