Uładzimir Zacharaŭ druhi dzień trymaje zamknionymi handlovyja damy ŭ Połacku i Navapołacku. Handlary rychtujuć zajavy ŭ Haspadarčy sud.
Uładzimir Zacharaŭ druhi dzień trymaje začynienymi handlovyja damy ŭ Połacku i Navapołacku. Handlary rychtujuć zajavy ŭ Haspadarčy sud.
U Połacku i Navapołacku druhi dzień nie pracujuć bujnyja handlovyja damy «Stralecki rynak», «Jeŭraluks» i «Stralecki kapitał».
Zroblena heta na zahad uładalnika rynkaŭ Uładzimira Zacharava. Jon patłumačyŭ hety krok tym, što
«nie bačyć sensu pracy ŭ takich žorstkich ŭmovach, jakija jašče horš uzmacniajucca ŭ Biełarusi»,pieradaje Radyjo Svaboda.
U Navapołackim harvykankamie paviedamili, što akurat ciapier pracujuć nad hetaj prablemaj. «Na dadzieny momant pradprymalniki, jakija arandavali handlovyja płoščy ŭ HD «Stralecki kapitał», rychtujuć kalektyŭny pazoŭ u Haspadarčy sud na dziejańni ŭłaśnika handlovaha domu Ŭładzimira Zacharava» — paviedamiła načalnica adździełu handlu Iryna Minčukova. Pavodle jaje infarmacyi, «Stralecki kapitał» byŭ zamkniony ź inicyjatyvy ŭładalnika.
Pišuć zajavy i połackija pradprymalniki, paviedamili ŭ połackim harvykankamie. «Harvykankam nie prymaŭ nijakich mieraŭ pa zakryćci rynku, naadvarot, my robim usio mahčymaje, kab jaho adčynić» — paviedamiła načalnicy adździełu Iryna Hukava. Pa jaje słovach, druhi dzień nie adčyniŭsia HD «Jeŭraluks», na «Straleckim rynku» ŭ aŭtorak aficyjny vychodny.
Tym časam, siarod navapołackich handlaroŭ chodziać roznyja viersii hetaj padziei. Adzin ź indyvidualnych pradprymalnikaŭ, jaki aranduje handlovuju płošču ŭ navapołackim handlovym domie «Stralecki kapitał», paćvierdziŭ nam infarmacyju, što navapołacki handlovy dom nie pracuje druhi dzień. «Kali da zaŭtra situacyja nie vypravicca — pojdziem razam da harvykankamu» — kaža pradprymalnik.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary