U hałoŭnych rolach — Śviatłana Zielankoŭskaja i Aleh Harbuz.
Karotkamietražny film «The Final Test» («Apošniaje vyprabavańnie») režysiora Jaŭhiena Łytkina uvajšoŭ u konkursnuju prahramu 23‑ha Neisse Nysa Nisa Film Festival.
Pra ŭdzieł u konkursie paviedamiŭ pradziusar Dzianis Ivanoŭ.
Pakazy filma adbuducca 27 i 31 maja.
Raniej stužku pakazvali ŭ ZŠA — na Low & No Budget Film Festival u horadzie Portlend štata Men.
Film źniaty ŭ Polščy. Heta drama pra školnuju nastaŭnicu, jakaja apynajecca pierad składanym maralnym vybaram.
U hałoŭnych rolach — Śviatłana Zielankoŭskaja, viadomaja ŭ tym liku pa roli Nastaśsi Słuckaj, kupałaviec Aleh Harbuz, Alaksiej Burnasienka.
Dla režysiora Jaŭhiena Łytkina heta nie pieršaja praca. Raniej jon pracavaŭ nad stužkami «Zabaronienaja hrupa» (2022), «Škoła» (2019), «Vćviet» (2018), «RO i DŽ» (2016).
Jeŭrapiejski pakaz filma adbudziecca ŭ znakavych łakacyjach. 27 maja ŭ Hiorlicy — horadzie, jaki za svaju kiniematahrafičnuju historyju atrymaŭ mianušku «Hiorliŭud» (tam zdymalisia «The Grand Budapest Hotel» i «Inglourious Basterds»), — projdzie pakaz i sustreča z udziełam režysiora Jaŭhiena Łytkina, pradziusara Dzianisa Ivanova i mantažora Michaiła Vasileviča. Taksama pakaz zapłanavany ŭ niamieckim Hroschieniersdorfie.
Fiestyval prachodzić na styku Hiermanii, Polščy i Čechii i štohod źbiraje aŭtarskaje kino rehijona. Sioleta fiestyval atrymaŭ kala 1200 zajavak.
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki11
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary