Hienprakuratura Ukrainy pačała rasśledavańnie datyčnaści Biełaruskaha Čyrvonaha Kryža da vyvazu dziaciej
Hienieralny prakuror Ukrainy Andrej Kościn paviedamiŭ ab pačatku rasśledavańnia ŭdziełu Biełaruskaha Čyrvonaha Kryža ŭ niezakonnym vyvazie ŭkrainskich dziaciej. Adpaviednuju zajavu Kościn apublikavaŭ 23 lipienia ŭ svaim aficyjnym tvitary.
Pavodle jaho słoŭ, dziejańni biełaruskaj arhanizacyi hruba parušajuć normy Ženieŭskich kanviencyj i asnoŭnyja pryncypy Mižnarodnaha Čyrvonaha Kryža.
«Udzieł Biełaruskaha Čyrvonaha Kryža ŭ prymusovaj departacyi ŭkrainskich dziaciej z akupavanych Rasijaj terytoryj Ukrainy — mižnarodnaje złačynstva, hrubaje parušeńnie normaŭ Ženieŭskich kanviencyj i ździek z asnoŭnych pryncypaŭ Mižnarodnaha Čyrvonaha Kryža. Sa svajho boku, my pačali rasśledavańnie, kab pryciahnuć złačyncaŭ da adkaznaści za kožny vypadak vyvazu ŭkrainskich dziaciej», — paviedamiŭ hienieralny prakuror Ukrainy Andrej Kościn.
Nahadajem, što niadaŭna kiraŭnik Biełaruskaha Čyrvonaha Kryža Dźmitryj Šaŭcoŭ publična pryznaŭsia va ŭdziele arhanizacyi ŭ vyvazie dziaciej z Ukrainy, čym vyklikaŭ vielizarny skandał.
Paźniej adna ź biełaruskich deputatak dadała, što vyvaz dziaciej ažyćciaŭlajecca pry sadziejničańni AAN i Čyrvonaha Kryža. Mižnarodnaja fiederacyja Čyrvonaha Kryža pry hetym paśpieła adchryścicca ad dziejańniaŭ svajoj biełaruskaj filii.
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj6
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3333
Kamientary