«A my heta kankretna možam zrabić» — Šaŭcoŭ z Čyrvonaha Kryža pra jadziernuju zbroju
Hienieralny sakratar Biełaruskaha tavarystva Čyrvonaha Kryža Dźmitryj Šaŭcoŭ, jaki niadaŭna trapiŭ u skandał z vykarystańniem Z-simvoliki padčas pajezdki na akupavany Rasijaj Danbas, nie tolki nie imkniecca niejak apraŭdacca, ale naadvarot — praciahvaje rabić skandalnyja dla kiraŭnika takoj arhanizacyi vykazvańni. Va ŭčarašnim vystupleńni ŭ efiry ANT jon parazvažaŭ pra mahčymaści vykarystańnia jadziernaj zbroi, i zusim nie z humanitarnych pazicyj.
«Viadoma, taja palityka, jakaja była ŭ Savieckim Sajuzie, jana vyklikała šmat sprečak, šmat pahałosak. Ale ŭčynak Mikity Chruščova, jaki raptoŭna pryvioz na Kubu jadziernuju zbroju, pastaviŭ, pa-pieršaje, biezumoŭna, na miažu jadziernaj vajny ŭsio čałaviectva.
Ale vyrazna pakazaŭ usim svajo miesca. I vyrazna pakazaŭ, što Saviecki Sajuz prosta tak u birulki, prabačcie, nie hulaje. Kali treba — budzie ŭžytaja taktyčnaja jadziernaja zbroja. I tady, prabačcie, niekatoryja ludzi z adnaho kantynienta sieli na svaju popu i zrazumieli, što dalej užo sapraŭdy nielha.
Tut my bolš uklučajem palityčnyja sprečki, my šukajem ślady Amieryki, Anhlii, Jeŭropy ŭ tym, što adbyvajecca. Choć što jašče šukać? Napeŭna, navat kali napišuć piśmova «tak, heta my», usio roŭna rasijskija śpiecyjalisty buduć praviarać. Dla čaho heta treba?
Ja ni da čoha nie zaklikaju. Ja dosyć pramaliniejny čałaviek, časam pakutuju praz heta. Ale rečy treba nazyvać svaimi imionami. Moža być, usio ž taki varta ludziam namiaknuć, što my nie prosta vam havorym i papiaredžvajem, a my heta kankretna možam zrabić».
Raniej pazityŭna pra raźmiaščeńnie jadziernaj zbroi ŭ Biełarusi sa słovami, što, maŭlaŭ, «hetaja zbroja prymusić pavažać našy intaresy, vykazvałasia staršynia homielskaj arhanizacyi Biełaruskaha tavarystva Čyrvonaha Kryža Hanna Smalak.
Mižnarodny Čyrvony Kryž adchryściŭsia ad pajezdak Šaŭcova na Danbas
Biełaruskaja deputatka: Dziaciej z Ukrainy vyvoziać pry sadziejničańni AAN i Čyrvonaha Kryža
Kiraŭnik Biełaruskaha Čyrvonaha Kryža, jaki zaśviaciŭsia z Z-simvolikaj, raskazaŭ, što robić na Danbasie
Uznačalvaŭ vybarčyja kamisii, choča lačyć hiejaŭ, ekśpiert pa ŭsich pytańniach. Chto taki Dźmitryj Šaŭcoŭ, jaki kiruje Biełaruskim Čyrvonym Kryžam
«Pra jaki sajuz možna havaryć?» Łukašenka ŭ Astanie raskrytykavaŭ Rasiju za naviazvańnie utylzboraŭ15
Kamientary
Našli siebie chlebnyje dołžnosti...