Ułady Chirasimy nie zaprosiać pradstaŭnikoŭ Biełarusi i Rasii na žałobnyja mierapryjemstvy
Ułady japonskaha horada Chirasima druhi hod zapar z-za situacyi vakoł Ukrainy nie stanuć zaprašać pradstaŭnikoŭ Rasii i Biełarusi na cyrymoniju pamiaci achviar amierykanskaj atamnaj bambardziroŭki, ažyćcioŭlenaj 6 žniŭnia 1945 hoda. Pra heta zajaviŭ u aŭtorak padčas anłajn-bryfinhu mer horada Kazumi Macui, piša TASS.
«Tak jak ahresija suprać Ukrainy praciahvajecca, my, jak i ŭ minułym hodzie, vyrašyli nie zaprašać na cyrymoniju pradstaŭnikoŭ abiedźviuch dziaržaŭ, — padkreśliŭ mer. — Razam z tym my vystupajem za prasoŭvańnie vizitaŭ u naš horad kiraŭnikoŭ usich krain, tamu paviedamili pasolstvam [Rasii i Biełarusi], što vielmi spadziajomsia na pryjezd [lidaraŭ] u Chirasimu ŭ chutkaj budučyni, dzie jany mahli b niepasredna aznajomicca z historyjaj atamnaj bambardziroŭki».
22 maja ŭłady horada Nahasaki taksama abviaścili pra rašeńnie nie zaprašać kiraŭnikoŭ dypłamatyčnych pradstaŭnictvaŭ Rasii i Biełarusi ŭ Japonii na cyrymoniju pamiaci achviar bambardziroŭki.
Ciapier čytajuć
Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama3
Kamientary