Akcior Pavieł Charłančuk raźvioŭsia z žonkaj — aktrysaj Hannaj Južakovaj
Pra razvod Hanna Južakova napisała ŭ fejsbuku. Razvod adbyŭsia jašče ŭ studzieni, ale Hanna paviedamiła pra heta ciapier.
«Kab adnym macham adkazać na mnostva pytańniaŭ: čamu źmianiła proźvišča ŭ profili, a dzie, a jak i hetak dalej», — patłumačyła jana.
Para razam pražyła amal dvaccać hadoŭ.
U ich piaciora dziaciej — troje svaich i dvoje pryjomnych.
Pavieł Charłančuk — zorka Kupałaŭskaha teatra, jon pakinuŭ teatr u 2020-m. U intervju «Kamsamolskaj praŭdzie» akcior kazaŭ, što navat nie sprabavaŭ šukać pracu ŭ Biełarusi i vyrašyŭ źjechać u Maskvu. Z 2021-ha Charłančuk ličycca ŭ trupie Maskoŭskaha hubiernskaha teatra pad kiravańniem Siarhieja Biazrukava.
«Maskva — heta vymušany krok. Kali b była mahčymaść pracavać i zarablać u Biełarusi… Biez Kupałaŭskaha mnie žyć ciažka. Kali b byŭ vybar, ja ni chviliny nie vahaŭsia b. Kali b ułada dała mahčymaść byłym kupałaŭcam isnavać u inšym pamiaškańni, dumaju, z hledačami prablemy nie było b», — kamientavaŭ u 2021-m Charłančuk.
Ciapier čytajuć
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary