Zorka Kupałaŭskaha Pavieł Charłančuk pierajechaŭ u Maskvu i pracuje ŭ teatry Siarhieja Biazrukava
Viadomy biełaruski akcior teatra i kino Pavieł Charłančuk u žniŭni 2020 hoda razam z 58 akciorami trupy Kupałaŭskaha zvolniŭsia z teatra. U intervju «Kamsamolskaj praŭdzie» akcior pryznaŭsia, što navat nie sprabavaŭ šukać pracu ŭ Biełarusi i vyrašyŭ źjechać u Maskvu. Z 2021-ha Charłančuk ličycca ŭ trupie Maskoŭskaha hubiernskaha teatra pad kiravańniem Siarhieja Biezrukova.
— Pošukam pracy ja zaniaŭsia jašče letam 2020 hoda i vyrašyŭ pajechać u Maskvu. U niejki momant moj ahient mnie skazała: «Paša, treba, kab ty byŭ u teatry». Viadoma ž, mnie nie chaciełasia ŭ niejki inšy teatr, bo byŭ Kupałaŭski. U Maskvie ja pachadziŭ pa teatrach i pahavaryŭ ź niekalkimi mastackimi kiraŭnikami: Uładzimiram Maškovym (teatr «Tabakierka» — red.), Jaŭhienam Pisaravym (Maskoŭski dramatyčny teatr imia Puškina — red.), Siarhiejem Hazaravym (Maskoŭski dramatyčny teatr pad kiraŭnictvam Armiena Džyharchaniana — red.). Pry dobrym imknieńni, upeŭnieny, što možna trapić u luby z teatraŭ. Ale samy hałoŭny aśpiekt byŭ u tym, što ja pavinien zdymacca, bo heta važna.
I mnie padkazali, što ŭ Maskoŭskim hubiernskim teatry, pakolki sam mastacki kiraŭnik Siarhiej Biazrukaŭ zdymajecca, takaja mahčymaść jość. Ja adpraviŭ videa, jaho pahladzieli, im spadabałasia, ale mnie skazali, što miescaŭ niama, i ja rassłabiŭsia. Zatym źjavilisia zdymki va Uźbiekistanie z Karenam Ahanesianam. Padčas zdymak mnie piša adzin znajomy: «Pavieł, vy ŭžo ŭładkavalisia abo nie? Kali nie, to davajcie da nas u Maskoŭski hubiernski teatr. Jość dla Vas rola i staŭka». 29 žniŭnia 2021 hoda ja syhraŭ u śpiektakli «Najšła kasa na kamień» pa Astroŭskim.
Da taho ž akcior aktyŭna zdymajecca ŭ kino i sieryjałach:
— Na rasijskim Pieršym kanale z 13 vieraśnia vyjdzie sieryjał «Spytajecie miedsiastru». Jaho my źniali dva hady tamu. Niadaŭna adbyłasia premjera karciny «Eli», zdymki jakoj prachodzili letaś. Vielmi spadziajusia, što ŭsie karciny, jakija ciapier u vytvorčaści, vyjduć na ekrany. Na dadzieny momant ja zdymajusia dla telekanała TVC. A ŭ 2022-m vyjdzie poŭnamietražnaja karcina «Saša».
-
U Biełarusi zabaranili kitajskija telefony. Norma ŭtrymańnia śvincu ŭ ich była pieravyšana ŭ 330 razoŭ
-
Pahladzicie, jaki miły sabaka pracuje na pamiežnym pierachodzie z Łatvijaj FOTAFAKT
-
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii9
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie3838
Kamientary