Druhi dzień suda nad Mažejkam i Jurhilevič. Julija zajaviła, što jaje trymajuć u «skockich umovach»
Z 10 lipienia ŭ Hrodzienskim abłasnym sudzie idzie praces nad žurnalistam Paŭłam Mažejkam i advakatkaj Julijaj Jurhilevič. Pasiadžeńnie prachodzić u adkrytym režymie.
Jak piša «Svaboda», śledstva śćviardžaje, što Julija Jurhilevič raskazała ŭ telefonnaj razmovie Paŭłu pra svajo zvalnieńnie z advakatury i pra prysud Alesiu Puškinu. Prakuror sprabuje dakazać, što jakraz Pavieł raźmiaściŭ hetuju infarmacyju na staroncy «Biełsatu». Sposab, čas i asoby pieradačy infarmacyi pry hetym nie vyznačanyja.
Pavieł i Julija admaŭlajuć vinu.
Jurhilevič zajaviła, što jaje trymajuć u «skockich umovach» i joj nie dali aznajomicca sa spravaj.
Da suda fihuranty admovilisia davać pakazańni, u sudzie Mažejka adkazvaje na pytańni vybaračna. Baćka žurnalista Ivan Mažejka admoviŭsia śviedčyć suprać svajho syna.
Nakolki viedaje žonka Mažejki Iryna Čarniaŭka, Paŭła i Juliju pryvodziać na praces u kajdankach, ale zdymajuć ich na čas pasiadžeńnia.
Na druhi dzień, jak piša «Svaboda», Pavieł i Julija vyhladali bolš zmučanymi.
10 lipienia ŭ Hrodnie pačali sudzić advakatku Juliju Jurhilevič i žurnalista Paŭła Mažejku. Juliju pryviali ŭ sud u robie z nadpisam «Karcar №2».
Ich vinavaciać pavodle č. 2 art. 361-4 KK za «inšaje sadziejničańnie ekstremisckaj dziejnaści, učynienaje paŭtorna, hrupaj asob pa papiaredniaj zmovie».
Spravu razhladaje rekardsmien pa palityčnych prysudach sudździa Maksim Fiłataŭ, jaki daŭ Vitoldu Ašurku piać hadoŭ kałonii.
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary